【科幻/哲學/愛情/甜故(可能有)】前世修生: 第三章：看樂園

第三章：看樂園



**************
原來咁啱係拉貴爾嚟搵雷米爾傾嘢，

「做乜停曬手腳嘅，快啲幫客人做嘢！」拉貴爾親切望向我哋話。

「其實我哋單嘢係有啲難做嘅，但係我又話唔到事⋯⋯所以就停咗喺度囉！」



「於是我就諗住反映咗俾主先囉！」雷米爾無奈地道。

搞到自己真係覺得有啲唔好意思囉！

「主嘅兒女，請問你哋有乜需要我幫到你哋？」拉貴爾轉向問我哋。

之後我哋就將想要嘅要求話曬所有嘅嘢俾拉貴爾知，拉貴爾聽到一額汗，皺曬眉頭，我哋明白嘅，畢竟天使見慣想上天堂嘅人多，但係冇聽過有人話會留喺充滿罪惡嘅地球！

「額⋯⋯你哋⋯⋯認真㗎？」拉貴爾似乎唔信任我哋講嘅嘢。



「我哋唔想再後悔下去，所以希望你可以考慮下！」我同楚瑩異口同聲話，十分堅定。

拉貴爾搖了搖頭，

「你哋⋯⋯真係考慮好⋯⋯天堂生活好好⋯⋯」

「唔使⋯⋯我同我老婆一齊復生喺世上！」

「咁⋯⋯呀，盡量幫你哋做說客啦！主嘅裁決係最公平嘅，冇人可以左右到佢啦！所以⋯⋯」



拉貴爾有口難言，不過我哋都知道佢下句係乜，簡單來講係：XX唔好喊。

「我哋知道㗎啦！多謝你哋嘅好意，之但係⋯⋯我哋可以參觀下天堂嗎？唔住都起碼可以睇下呀嘛，而且我哋都好奇聖經上形容嘅天堂⋯⋯」

「好啦！兩位同我一齊！」

簡而言之，信徒死後暫住喺「樂園」嘅地方，不等同於「天堂」、「天國」，天堂只會係喺末日大審判後先至會出現。所以只可以用人類嘅語言係參觀「別墅」而唔係自己嘅「屋企」。

約翰福音十四章2-3節提到：「在我父的家裏有許多住處；若是沒有，我就早已告訴你們了。我去原是為你們預備地方去。我若去為你們預備了地方，就必再來接你們到我那裏去，我在哪裡，叫你們也在那裏。」，每個人都係同耶和華同住同在美麗房屋，

所以⋯⋯我哋應該係參觀緊示範單位掛！

「那棵樹應該係⋯⋯生命樹？」我好奇指住河邊嘅嗰棵特立嘅樹問。



「係呀，啲果子會醫好所有病痛，不過喺天堂萬國萬民都係唔會再有病痛嘅！」

滿街都係金碧玉彻嘅，城門上鑲有珍珠，

「點呀，你哋有冇動搖呀，始終樂園呢到唔會有通漲唔會有罪案，乜乜安全法咁囉！」

「少少都有嘅，不過我老婆一定唔會俾我一個走咗去囉！」

我肯定咁講，老婆的確係我嘅最大後盾同時亦係最大弱點，

「算你啦！珞珞～～」楚瑩向我撒嬌道。

「我曾經嬲過妳，妳⋯⋯唔會怪我呀嘛？」

「原本就係⋯⋯你宜家提起⋯⋯」



楚瑩扮嬲個樣係最靚嘅，好想整佢面豬登呀！

我馬上抱住佢say sorry！

「⋯⋯正經啲啦！你哋都係出去慢慢等啦！」

拉貴爾冇我哋咁好戲，於是趕我哋走去返會客室到等！

「哦！」

一個鐘後，

「你嘅申請已經到達咗耶和華到，請稍候審批！」





**************
(下回待續)