是咁的，我做咗份好奇怪嘅intern: 第八章

我們在九時半便到達emax。

「點解我地要攞咁多應援物品？」我左手拿著一張Scalar成員Gamma的紙扇，右手拿著Beta的簽名海報。

「可唔可以記熟目標人物愛好？林樂婷最鍾意Beta，你呢張簽名版海報會係殺手鐧。至於Gamma紙扇，因為我怕熱，你要幫我撥涼。」阿晴永遠都是一句認真接著一句胡說。我整把紙扇向著她的頭飛去，不料她一手接住。

「唔好唔記得我嘅職業。」她把紙扇飛回來，幸好我也接得住。

「有啲料到。」她說。





就在我們胡鬧的時候，目標人物抵達。

「開工，收埋把紙扇，記住角色設定，你可以flirt下我。」直至最後一刻阿晴還是一貫的說話方法。不過我不管了，既然她都這樣說，我就放心亂來。

不過說就說亂來，怎樣亂來才是一個問題，極端內向的人是不會跟陌生人搭訕的。阿晴，你是不是真的有法子？

「哎呀！我把Gamma紙扇呀，唔記得帶……」阿晴忽然怪叫，然後使勁向我打眼色。

「放心啦，有我喺度你會驚帶漏嘢咩？」我也領會她的意思，於是這樣回應，並從背包取出紙扇。





「最信得過都係你！咦？喂喂喂……」她忽然跟我悄悄話。「嗰把咪Alpha紙扇？」但她的聲線分明是要讓林樂婷她們聽到。「你估下問佢地嘅話肯唔肯借俾我地睇一睇呢……？」

「你試下囉。」我用「呢單嘢唔係我跟開」的語氣回應。

然後我看着她假裝害羞的準備搭話，認真可笑。

「唔好意思呀……」她拿著Gamma紙扇，搭話對象是李樂珊。「你地嗰把係咪Alpha紙扇……？」

李樂珊看來比較外向，很自然就回話了:「係呀，睇下陣間有冇機會拎俾佢簽名啦。原本想買Gamma，但係賣晒。」





「你地想玩Gamma射扇？」阿晴問。

什麼鬼，伽瑪射線可以玩的嗎？

「係呀……」李樂珊答，就連林樂婷也點頭。

「喂，不如我地同佢地交換啦，反正你都唔玩Gamma射扇。」阿晴跟我說。

「哦……無所謂呀，反正遊戲我都係玩開石油氣。」

「多謝你地呀！！你地叫咩名呀？」「多謝……」

「我叫阿晴，晴天個晴。給我一個晴天，給我一束溫柔的光線～」阿晴忽然唱起歌來，而竟然她們兩個也有跟唱。

「我好鍾意《晴天》呢首歌架，佢啲歌詞寫得好好！」阿晴成功打開林樂婷的話匣子。接下來的好一段時間，我完全沒有插話的機會，只可以站著如嘍囉，直至……





「喂阿明，幫我地買三支水返嚟吖！」

好囉。