(19)最終回
 
 
Johnny同Chloe結咗婚,大家相處容恰,表現恩愛。
 
當手拖手行去商場時,途中遇到兩個表姐,佢哋見到Johnny同Chloe拖手就好驚奇!
 
Chloe就同佢哋打招呼:「Hi,妳哋又嚟哩度?」
 
大表姐指住佢哋拖住隻手,講:「妳哋…」


 
「我哋?」Chloe遞高隻手講:「我哋結咗婚喇。」
 
「結婚?得嫁咩?」二表姐講。
 
「得呀,我哋正式註冊。」Johnny講。
 
「註冊都唔出聲,咁神秘?」大表姐講。
 
「算喇,唔好踢爆。」二表姐講:「我哋有事走先,得閒飲茶。」


 
「bye bye。」
 
兩個表姐走咗去一邊,細細聲講:「同表弟結婚,有無搞錯?」
 
「睇佢係俾天華搞大個肚,焗住一齊喇。」
 
「唉,一朵鮮花插在牛糞上。」
 
佢哋講咩Chloe聽唔到,不過女人第六感好靈敏,知道佢哋係講是非。


 
Chloe望住佢哋…
 
望住哩兩個對親戚都講是講非嘅人。
 
Johnny見Chloe眼定定咁,就講:「咩事呀?」
 
「無事。」
 
「係咪bb踢你呀?」Johnny伸隻耳仔去Chloe個肚:「聽吓係咪咁曳先。」
 
「聽到嫁咩?」Chloe笑笑:「傻佬。」
 
「妳話係仔定女呢?」
 


「我無所謂呀,你呢?」
 
「我話。」Johnny講:「如果係女嘅,要同媽媽一樣咁靚女…」
 
「仲要有雞仔聲。」
 
「蝦,要個女有雞仔聲咁衰!」Chloe拍佢,佢講:「雞仔聲好吖,夠哂可愛。」
 
「唱歌俾人笑呢。」Chloe講完大家都笑。
 
「咁個仔就要高大威猛。」Chloe講:「同埋靚仔。」
 
「唉呀,要靚仔咩意思先?」
 
「靚仔咪靚仔囉。」Chloe講:「你進步,都想個仔進步嫁嘛。」


 
「咁都啱。」Johnny講完,Chloe講:「何況無乜邊個唔係外貌協會嫁喇。」
 
「喂喂!」
 
「行喇,小氣鬼!」Chloe拖住Johnny去開房…
 
去佢哋屯門間屋開房。
 
 
 
 
 
                                   雞仔聲表姐---全篇完