因為EX 我成為左一個禿頭嘅毒撚 然後遇到一隻猫: 63. 成為宅女
「點解今日咁好請我出黎食飯又book酒店? 好貴架!」贏左馬後林志偉帶左阿敏去酒店食餐好。
「今日老闆讚我做得好，加我人工不得只仲比左筆bonus 我添呀，咁梗係要同你好好慶祝下啦~」林志偉講大話解釋。
「咁叻?咁你要繼續努力比心機呀! 不過搵多左都唔好晒衣d錢啦，儲下錢仲好~」阿敏替林志偉開心之餘又驚佢亂洗錢唔識儲錢。
林志偉:「一次啫~ 咁辛苦搵到錢梗係要同最愛嘅人一齊分享~」
自從林志偉出獄後，阿敏驚佢始終本性難移有心想試下佢係咪真係會改，所以出返黎後佢地一直都無發生過性行為。但今日佢見到林志偉終於生性，衣半年似乎又真係修心養性無性都無咩異樣，所以衣晚襯住大家咁開心又輕鬆嘅氣氛下佢決定係酒店好好滿足同獎勵林志偉一翻。而林志偉因為咁，亦終於可以係幾年空白期後再次感受到仆野嘅樂趣。而衣次體驗，竟然比佢以往所有體驗都更好，佢感受到阿敏同以前完全唔同晒。
「敏敏…你…」事後林志偉忍唔住問。
「唔開心?」阿敏知佢想問咩。
「唔係…不過覺得你好似唔同晒…」林志偉仲帶住氣喘咁講。
「你記唔記得你坐監前同我講過d咩?」阿敏望住林志偉問。
「記得… 對唔住呀…果陣衝口而出我唔係有心架…」林志偉有d內疚咁講。
「但我就終於聽到你心入面真正嘅諗法… 原來你一直咁介意咁唔開心… 你知唔知果刻雖然我好嬲你出軌，但同一時間你亦令我好內疚… 我覺得我要為你嘅行為負上部份責任…」阿敏攬實林志偉向佢剖白自己嘅感受。
「其實我知我唔可以怪你，你亦唔應該怪自己…」林志偉說道。
「所以為左避免同類事情再發生，我知我唔可以再係咁…於是我去左學習…」阿敏有少少尷尬咁講，始終佢”學習”嘅方法並唔係光彩。
「學習?」林志偉唔明白亦好奇，但更多係擔心。
「係呀… 衣幾年我download左好多AV黎睇呀…」阿敏當然唔會如實同佢講自己衣段時間為左學習同報復佢仲同好多人上過床。
「敏敏你個傻妹…」林志偉感動到眼泛淚光。
「咁你滿唔滿意?」阿敏好似等收成績表好期待又緊張咁問。
「好滿意!」林志偉半喊半笑咁答。
「希望以後我滿足到你，咁你就唔駛再外求搵d咩啦…」阿敏攬得更實左林志偉咁講。
「放心啦… 以後點我都唔會再咁做…」
之後阿敏同林志偉過左一段好似真係返返去以前最開心嘅日子果段時間咁，將以前所有唔開心嘅野抹走晒。不過因為初初贏過大錢，自己努力又得唔到回報，所以林志偉好快就沉迷左賭博，仲越賭越大，越輸越多，每次出糧果日就會將份糧輸走左。好彩可能因為佢老豆嘅緣故，雖然無錢但佢就一直都無問大耳窿借錢，只係日日自己係度為錢銀發愁。
然後有日佢同阿敏出街嘅時候，比佢班豬朋狗友見到佢女朋友原來係咁靚咁索。於是係一次林志偉又賭輸錢知佢缺錢嘅情況下，佢地向佢提出左一個禽獸建議，就係想用高價買起阿敏一晚。
起初林志偉當然拒絕，仲爆粗鬧左班豬朋狗友一鑊，但隨住次次都賭輸越黎越窮，佢又成日想靠賭東山再起，所以都開始有少少動搖。然後有日佢豬朋狗友見佢又拒絕就發脾氣同佢講左樣野。
「你扮咩呀，你女朋友以前成日蒲夜場架，大把人同佢訓過啦， 衣家扮咩矜貴啫!」
「你講咩呀! 阿敏點會呀!」林志偉當然唔信仲即刻拎起豬朋狗友個衣領講。
「我個friend上次無意中見到你條女後講嘅，話佢之前都同佢訓過幾次，仲讚佢技術一次比一次進步添，un到佢欲仙欲死~」豬朋狗友有d不滿但又笑得好淫賤咁講。
「再講信唔信我旭你?」林志偉聽到後好嬲。
「唔講囉… 不過你自己諗下啦。反正你衣家都無晒錢啦，為左隻咁嘅雞仲咁落力保護佢，值得咩? 啊唔係，雞要收錢但佢唔駛，所以嚴格黎講佢唔係雞而係公廁…」豬朋狗友一開始有d驚，但中間又突然好似好語重心長咁講，然後最後都係越講越難聽。
雞衣個字刺激到林志偉，但佢再諗深一層，突然間又隱約理解到點解阿敏係床上嘅表現好似喺佢出返黎後就突然脫胎換骨同以前完全唔同晒，原來係因為佢秘密練左兵咁耐… 又係嘅，淨係睇AV又邊可能有咁大改變? 突然間，佢覺得好嬲，覺得自己成個頭都係緣油油一片，但就完全唔記得左自己以前做過d咩傷害對方咁。
反正阿敏已經同咁多人訓過，加上佢又再醒起阿敏曾經講過真係走投無路可能佢都會同佢媽一樣去出賣自己，於是佢終於決定為左自己犧牲阿敏。
「對唔住呀敏… 一次啫，反正你都唔再係清白又唔介意靠身體搵錢，等我贏到錢我一定會加倍奉還比你…」佢初初係咁諗。
不過佢知阿敏唔會肯，所以係一次同佢出街飲野，佢偷偷地係佢杯飲品加左豬朋狗友比佢嘅料，然後再親手送左佢入一間黑房入面…
由於第二朝林志偉適當時候入返房，加上藥力太強阿敏好似都無乜記憶琴晚發生過咩事，所以都只係以為對方又想玩d變態野滿足自己，並無懷疑d咩。事實上自從兩人有返關係後，林志偉又開始有d故態復萌不時會向阿敏提出一d變態要求，不過同以前唔同嘅係已經身經百戰又從AV大大廣闊左眼界嘅阿敏都唔再介意衣d然後盡量配合滿足對方，所以對衣d行為都見怪不怪。
不過拎左錢後林志偉當然好快又將d錢捐左去馬會同賭檔。而因為之前計劃太順利又易拎到錢，為左籌集資金林志偉竟然開始向唔同嘅人主動提出衣種買賣…多得阿敏出眾嘅外表，林志偉都真係keep住利用阿敏一直有錢收。
就咁一次又一次，直到兩三個月後，有日阿敏卻發現自己有左bb。佢滿心歡喜咁同林志偉講期待對方會開心，但對方嘅反應同佢預期嘅卻完全唔同，不但只好嬲好憤怒，仲係咁要阿敏落左佢。阿敏當然唔肯，二人繼而發生爭執，然後林志偉故意推左阿敏落地，最後成功令阿敏小產。
阿敏好傷心，係咁質問林志偉，林志偉當然唔會同佢講事實個小朋友更本唔係自己，只係係咁講對唔住，解釋自己未ready驚害左個小朋友。
最後阿敏都係原諒左佢，而過左段時間佢見阿敏情緒開始平伏又繼續用衣個方法等阿敏幫佢賺錢，仲順勢透過衣個機會勸阿敏食避孕藥以絕後患。不過上得多山終遇虎，唔知係咪用得太多次阿敏對d迷藥開始有抗藥性，所以有一次佢係中途醒左，然後發現自己身上作惡嘅人係一個唔識嘅陌生肥佬，阿敏忍唔住大叫，推開左肥佬然後問發生乜事，於是個肥佬就將林志偉嘅所作所為講晒佢聽。
阿敏悲痛欲絕，一直以來佢都以為林志偉雖然有d變態嗜好，但就唔相信佢會做d傷害自己嘅行為。佢去左質問林志偉，林志偉亦無再隱瞞講左事實佢聽，亦令阿敏終於明白點解之前佢要佢落左個BB，因為BB個經手人更本唔係佢。突然間，阿敏覺得眼前衣個男人好陌生，唔明白點解佢竟然可以對自己做出d咁禽獸嘅行為，佢接受唔到自己繼續同佢一齊…
曾經佢覺得對方好愛自己，可以為自己做任何事。但其實唔知從幾時開始，佢已經無左衣種感覺，只係責任同習慣令佢從無多諗，繼續一心一意同對方一齊，默默為佢付出。但衣家佢知道自己唔可以再視而不見… 因為佢除左唔愛自己，佢仲不斷傷害緊自己… 佢地之間嘅裂痕同傷害，已經無可能可以被修補…
「點解… 到底點解會攪成咁…」返到屋企阿敏係廁所痛哭完後不禁問蒼天。
然後佢係廁所塊鏡見到自己個樣。
「如果我生得醜樣，係咪就唔會受衣d苦?」佢問個天。
之後阿敏開始暴飲暴食想增肥，但可能真係天生麗質，佢就點食好似都係肥唔到。之後佢越黎越depress，最後仲有埋情緒病。但當醫生開左d精神藥物比佢食後，佢嘅身體反而開始產生變化，過左段時間，佢得償所願咁變左做個大肥婆，亦即係我熟悉嘅阿敏…
因食藥影響荷爾蒙果種肥同普通見開果d肥有d唔同，感覺好似係某d位會暴肥，但某d位又無點肥，令到成個人望落去個感覺同比例都有d怪。之後一直無人再對佢有興趣，而佢亦樂於清靜化身成為左一個宅女，除左返工就係活係自己個小天地度。