好人卡太多 所以愛神憐憫我?: 1.1 我倆的第一次

今日，又一個番學既日子
不過我諗今日，亦都會再一次比人發好人卡。
因為，今次我想同呀蚊告白…
 
「喂早晨，呀明！」
 
「早晨david。」我答
 
david係我既老死，同我一樣，都想有女，談下情說下愛。
 


分別係：佢係花花公子，我係「好人」。
 
「聽講你前幾日又衰左啵，隔離班呀麗好似又reject左你。」
 
「屌，講呢d。慣嫁啦。」sad but true
 
「今次死因係咩呀你？」
 
「咪又係個d…佢同我講…明，你係個好人，我依d咁既質素既人唔配你，不如我地繼續做好朋友啦…」
 


講起就火，係你依d咁既質素既人我當然唔配，我差你咁多呀嘛！屌！
我冇樣冇錢冇高度冇得成功靠父幹。
咁當然，我當時冇講出聲，廢事連朋友都冇啦。
 
「呀明，今次好似已經岩岩好第十張！」
 
「第十張？」
 
「好人卡。」佢輕描淡寫
 


「…」
 
我唔知點回應…應該話…我唔識回應…
可能我…天生就係一個好人…
所以高中依三年…
已經收左咁q多張好人卡…去表揚我既好心…
 
 
同左呀ming寒喧左幾句，佢就番去走廊盡頭既班房，做佢既花花公子。
而我，就入番去A班班房。
 
眾所周知，A班永遠係成績操行最好既班，但同時，係最毒最小圈子既班。
當中既囡囡，唔係豬就係排。
 
所以，我以前表白過既個十個都唔係依班，而係其他form或者隔離班既女。


 
不過，唔知係我近排眼光低左定點，發覺原來A班都有個幾靚既女，又斯斯文文，食定過。
 
嗰個就係我今日既Target. 呀蚊。
 
講真個句，呀蚊睇落去都幾索。
五官端正先唔講，高度又適中，矮我一個頭，錫起上黎都岩岩好。
當然，有波唔再講，而且又乖乖女，又讀得書。
雖然佢戴住眼鏡個樣係呆呆地，不過都幾正既。
總之一個字…食得過！
 
上堂個時，我完全冇聽過書。
我只係係度諗…點樣先可以唔再做「好人」…
不過，我同呀蚊講野既次數真係十隻手指數得出…
最大既交流都只係幫下佢傳通告之類…


但係講真個句，有時機會低仲好。
做「好人」機會都自然低左，因為唔會再講嗰句「明，你係個好人，我不如我地繼續做好朋友啦…」
所以有時我會問自己，我既目標究竟係想搵個女朋友定唔想再做好人…
 
咁岩教我地a班econ既miss wong叫我同呀蚊去staff room幫佢搵野，機會終於黎啦！
行緊既時候，唔知係我敏感定點，總覺得呀蚊成日望住我。
不過算啦…下一步應該點呢…
依個機會真係可遇不可求…
附近冇人之餘又可以單獨相處…
就算比人見到都唔出奇…
Umm…直接同佢講我愛你?
定搞d氣氛先呢?
當我決定鼓起勇氣，打開話題之際，一把聲出現左。
把聲，係屬於呀蚊！
 


「呀明…今日天氣唔錯呀可? 」
哇，依個開得行唔行d…
 
「哈哈係呀…萬里無雲…」
 
「其實呢…我留意左你三年嫁啦…由f4至f6…我覺得你真係好好人…」
 
屌…「好人」…我開始絕望…
但問題係…我仲未表白喎…
 
「下…係咩…都係男人既份內事姐…」
 
「所以…所以…你可唔可以做我男朋友…? 」佢塊面突然擰去另一面
 
「wtf?! 」大佬我有冇聽錯：「咩話? 你講咩…? 」


 
「依d野點叫女仔再講多次出口喎。」
 
「好…好…我其實都鐘意左你好耐！」
我頂，終於唔洗再做「好人」
太好啦！！！
我心中既澎湃，絕對同海嘯既浪差唔多…
我單身既日子終於唔洗 = 處男既日子 = 冇女既日子 = 年齡！！
 
「呀…我有講話你做我假男朋友嫁可…」
 
「假? 」我差d屌左出黎
我依家既心情，就好似你岩岩聽到有個處女願意比你屌，正當插入去之際，發現佢原來後面得一個洞，但前面又突左條野…hehe…
 
「係…希望你可以幫下我！係你先可以幫我解開依個困局！」
 
我冷靜起黎，心諗今次雖然係假…但原則上我唔洗再做「好人」
而且又可以感受一下拍拖既樂趣…
係…雖然係假…但至少形式上唔再係單身…
何樂而不為呢？
 
「好。但係可唔可以講deatils比我聽？唔會係玩我嫁可？」
 
「耶！！咁放學四點special room見，嗰度今日應該冇人，我會一五一十同你解釋番…多謝你…呀明！」
 
依刻，我都唔知笑好定喊好。