好人卡太多 所以愛神憐憫我?: 2.1 戀愛的滋味

「你準備好未？」呀蚊細細聲同我講
 
「當然，我會証明比你聽你既選擇冇錯既！」
 
「冇錯…? 」呀蚊皺起眉頭，唔多明我想講乜
 
「冇野啦…總之放心啦！」
 
「嗯…」再一次黎個招牌笑容
 


「叮…升降機門即將關上…」依把聲係醫院真係見慣不怪
 
我望住升降機既顯示屏…
 
2/F…
3/F…
4/F…
12/F…
13/F…
 


升降機門終於開左…
亦都表示我地第一次既挑戰終於黎到…
 
呀蚊婆婆住既係醫院既頂層。
可能，佢既親人想佢最後一路都可以過得舒適…
從開心解脫世間既苦難，無憾而終…
 
「婆婆！我地黎探你啦！」呀蚊撥開個簾，眼神凝重咁望住婆婆
 
「咳咳…乖孫…」佢合埋對眼…故之然未察覺到我


 
「婆婆…你點呀…洗唔洗叫姑娘睇下你點？」
 
「乖啦…我冇事…婆婆我仲未了最大既心願…唔會離開既…」
 
「嗯…有乜事記得襟鐘叫醫生呀！」呀蚊拉番埋個簾
 
有人話…擁有善良心地既女仔永遠係最靚。
即使眼前既人有幾索幾吸睛，但始終避唔過歲月既洗禮…
因為即使身在變，心也不會變。
佢又再一次…吸引左我
 
「係啦…婆婆我有個人想介紹比你…」
 
「咳咳…想介紹邊位朋友仔比我呀…」


 
「佢…佢…係我男朋友…」呀蚊既聲越黎越細，連我都差d聽唔到
 
「婆婆你好…我既呀蚊既男朋友…我叫呀明…」
 
依個時候，我地後面既簾突然打開左。
企起我面前既，係一個我非常熟悉既人…
同時亦都係我好尊敬既人…