好人卡太多 所以愛神憐憫我?: 2.2

「咦呀囡，黎左啦…你有朋友黎左？」熟悉既人捧住一盤水，好似準備幫婆婆洗臉之類
 
我見到佢既外表既時候完全O晒嘴，
唔係因為佢幾Jable…
佢竟然係我地班既班主任…
教英文既Miss Cheung…
 
依一刻，佢發現左我。
佢望一望我，又望一望呀蚊。
我地互相對視，從Auntie既眼神中流出一絲驚訝同憤怒。


氣氛好似即時跌落零度，大家都唔知依個時間可以講乜…
佢又點諗到我係佢個女既男朋友呢…
明明我地學校入面交流少到十隻手指都講得出…
而且重點係…
我既「好人」事跡，老師又點會唔知。
大概以為我花心唔專一掛…
唉…
 
呀蚊望一望我，單起隻眼，可惜我依家無暇欣賞佢既可愛。
 


「放心啦冇事既 J」佢打左個口形
 
「咳咳…明仔你可唔可以推我出去，依度好焗。」婆婆捉左我隻手，好和藹咁問我
 
「媽咪我都有野同你講呀！不如我地出去出面講好冇？」呀蚊問
 
「好…我都想知發生咩事…」Miss Cheung趁機啤住我
 
我心諗：
依個世界好人難做呀…


不過…婆婆佢又會依個時候叫我出去既…
唔通…
 
我扶婆婆坐上輪椅，
settle好之後就推佢出出面個花園平台。
 
我回頭望望呀蚊同Miss Cheung既身影，
呀蚊咁岩依個時候又擰左轉頭…
 
「…」我對佢露出無奈既樣
 
「加油！」佢做左個口形之餘又打左個「奸巴爹」既手勢
 
究竟，呀蚊佢係咪有d陰謀呢…