「佢竟然直接請女神上嚟?」

「女神好慘呀,逸軒大師係咪要揭佢瘡疤。」

「女神真係好正,真人同ig post一樣咁好J。」

我和阿方跟其他現場觀眾一樣錯愕,但感到錯愕的原因是不知道台長竟然把女主角家祺也請了上訪談節目。

「你好,蘇家祺同學。」





「台長你好。」

「聽講你上星期喺自修室遇到一啲不幸嘅事件喎,而大家對於發生咗嘅事添油加醋,你可唔可以一個當事人嘅身份去講返究竟上星期一喺自修室發生咗啲咩事。」

「件事我都唔係太想提番起。我又係自修室行出教師枱想借釘書機,跟住梁書豪喺我經過嘅時候伸隻手出嚟摸我屁股,我當時即刻大叫。」

「家祺,我哋好同情你嘅遭遇。去咗重組翻案情同釋除返大家嘅疑慮,我需要更加多嘅背景資訊。」

「想問你當時記唔記得梁書豪同學當日喺自修室係溫緊邊本書?」





「應該係LS。」

「當日梁書豪同學有冇著冷衫?」

「冇呀,我記得好清楚。」

「呢啲細節你都記得好清楚?睇嚟你已經走出傷痛。」

蘇家祺靜了幾秒鐘,眼神恍惚。





「係......啊。」

「喺邀請第二位神秘嘉賓出場之前,我想指出有同學向我哋校園電視台發送咗一段錄影檔案,但係佢並唔想出鏡同埋表明身份。我覺得有需要喺呢度播放,因為同今次呢單爭議事件有關係。當然,有人會覺得單野冇乜爭議。」

「有咩爭議啊台長?你邀請我上嚟描述返件事,已經我覺得好唔舒服。你而家想點?想播學校CCTV喺全校面前畀人睇我點樣畀人非禮?」

說到這裏,家祺開始哽咽。

「蘇家祺同學,請你明白我哋學校嘅學生係有權知道究竟發生咗啲咩事。同埋你都唔想畀人道聽途說係唔係?我哋將個真相直接呈現喺大家面前,就一定能夠釐清事實撇清謠言。咁你咪唔使畀人屈係臭雞囉,係唔係?同埋我要澄清呢條片唔係學校嘅cctv。咁我哋去片啦。」

影片由在自修室裏偷拍的角度開始,片段影着家祺坐在座位溫書,而片段聚焦了在家祺的腿部上。

「黐乸線,邊條變態佬喺學校偷用手機,仲要拍埋啲咁嘅嘢。」

「原來係偷拍,笑死,唔怪得之條友唔開名啦。」





「好好玩呀?你睇下女神已經開始喊緊。」

鏡頭一轉,原來家祺離開了座位,向著教師枱和黑板方向前進。

「嘩,你條友。」

「咩料呀!」

「乜嘢垃圾嚟㗎!」


Ig: marx_ice_
https://instagram.com/marx_ice_?utm_medium=copy_link