「你都好意思㗎喎!」

「嘩!」

「死臭雞!」

螢幕上正在播放着書豪計數的畫面,而家祺把手伸向他的褲袋。書豪把她的手推開,然後家祺大叫「死變態」。

「喺條片度,我哋見到梁書豪同學喺度做緊數,唔係做緊LS;佢當日有著冷衫,唔係冇著冷衫。由此可見,蘇家祺同學嘅證供入面有好多疑點。我相信呢條影片會令到更加多同學對而家嘅情況感到迷惑,所以我哋宜家有請第二位嘉賓出場,二甲班嘅梁書豪同學。」



全場掌聲雷動。

「我撐你呀!」

「踢爆佢呀!」

書豪坐在台上看了一眼家祺,眼神帶點輕蔑。

「梁書豪同學,好開心今日可以邀請到你上嚟做嘉賓,畀我哋同學更加了解究竟發生緊啲咩事。」



「er......首先好多謝台長啦,咁就係畀到我有一個咁樣嘅機會去講述返究竟發生咗啲咩事。首先變態佬點都唔係我先啦,點都係拍片嗰個變態啲啦痴根...」

全場一片笑聲,然而我隱約看見家祺在旁邊強忍淚水。

「咁呢件事我就係畀人屈嘅,我上嚟呢度唔奢望我可以改變到咩畀人記缺點嗰啲嘢。不過不吐不快嘅,我嗰日喺自修室做緊數,有人突然之間伸隻手入我嘅右邊褲袋。咁我個右邊褲袋係擺銀包㗎嘛,咁呀梗係撥開佢隻手睇下發生咩事。我抬起頭嗰一下就見到蘇嘉祺同學喺我隔離,當時佢係咁喺度話我係死變態。大佬,佢擺到明玩曬,因為佢喺度顛倒是非,而每次呢啲所謂“非禮事件”一定係幫個女方先;而我同老師講過真實發生嘅嘢,但係學校話嗰個係盲眼位,冇裝到cctv。」

去到此時,現場觀眾開始起哄。

「死臭雞!」



「偷人嘢仲搏同情!」

「咩人嚟㗎,咁不知廉恥都有嘅!」

此時,家祺在座位大叫:「你哋班人蝦我,嗚......」

家祺跑出多媒體室,但她沒跑兩步,便被門外濕滑的地板絆倒,摔倒在地上。

此時,一向嘴賤的阿方在座位高唱:
「全個世界 都有地板
別不小心 望少一眼
...」

現場大部分人捧腹大笑,而台長在節目中也表示希望這一集訪談節目能夠有理想的收視率,最重要的是希望同學和學校釐清真相。



節目結束後,我和阿方拿起雨傘,準備離開。

此時,台長叫停了我們。

「唔好走住啦,有啲嘢想同你兩個講,入嚟儲物室先。」


Ig: marx_ice_
https://instagram.com/marx_ice_?utm_medium=copy_link

***馬克:我衷心認為今年MC張天賦的歌曲<小心地滑>有潛質爭奪2022年叱吒樂壇至尊歌曲大獎***