那天放學後，我撞見有同學在學校後樓梯敦倫: 12 - 拖簿事件(1)

「啲簿已經拖咗三個月，有啲咩需要搞咁耐。好彩我哋同學舊年剩咗一啲簿，都勉強可以頂住當先。」

「冇理由搞咁耐㗎喎，就算係欠書都唔會咁耐啦，仲要係學校自己印嘅簿喎。」

「我哋班長有去過校務處跟進情況，但係校務處話每一年啲簿都係學生會負責。」

「咁最後有冇啲咩眉目？」

「冇呀，學生會嗰班人根本懶懶閒，甚至態度惡劣咁樣叫我哋等下，唔好煩住佢哋，仲對住我講“吔屎啦你”。」





「態度咁差都有嘅。」

「班契弟係自動當選㗎嘛，又唔係選出嚟嘅。」

「我根本唔認為印幾十本簿要用幾個月咁耐，究竟係邊一方面出咗問題。」

「我都想查下究竟發生緊咩事，但係得我自己一個人根本咩都做唔到，更何況學生會根本當冇件事。」

「你今日放學得唔得閒？帶你去一個地方。」





xxxxxxxxxxxxxxxxxxxxxxxxxxxxxx

「你好呀國鋒！咦，呢位係......」

「我係2A嘅張子軒。」

「台長，我哋今日上嚟喺想問下你知唔知道一啲程序上嘅嘢。」

「邊一方面？」





於是我一五一十地把二甲班拖簿事件告訴了他。

「嘩咁熟面口嘅，我初中嘅時候都試過一次，嗰陣時我哋班又係有幾個同學啲簿唔齊，跟住大家都處理得好消極，又係話前幾年有淨咗一啲。我覺得好奇怪，就落去學生會質問佢哋，當時學生會值班嗰個師兄竟然鬧我阻住曬，仲叫我收皮。」

「吓，咁你哋班嗰幾個去到最後點樣處理。」

「國鋒，校務處每個禮拜四食飯時間都會賣簿，啲寫得多筆記嘅人唔夠簿用嘅人都會去幫襯。嗰幾個同學就自己揞荷包補返啲簿囉。」

「吓？本身唔係畀咗簿費嘅咩？而家仲要自己貼錢？」

「但學生會根本完全就係hea我哋，咁我哋都要上堂做功課㗎，咪唯有咁做囉。」

「咁我想問你覺得點解學生會會hea到咁？」

「之前有一個師兄同我講過，佢當年想選學生會，但學校勸佢唔好浪費時間組閣，因為學校話畀佢聽冇可能贏到精英班嗰一個內閣。佢建議我師兄一早就唔應該浪費時間，仲話繼續選落去會有後果。」





「咁我大概估到點解今年嘅學生會都係自動當選，但係我哋可以點樣了解到發生咩事，或者至少叫學校調查下咩情況。」

「子謙，我好贊成你全力去搵發生緊咩事，我都可以幫下手。話說你哋而家身上有冇任何校簿。」

「我有。」

說罷，我便從我的書包內拿出英文默書簿。子謙拿去了我的默書簿，並且說道：

「嘩，呢度咩事呀，做乜你改正嗰度抄咗"Corrections"呢個字20次？」

「子謙，咪就係左膠撚yeung嗰啲無聊嘢囉。條友話因為我改正多過一隻字，所以唔應該寫“Correction”，應該寫“Corrections”。」

「你咁樣講我諗起佢做過一單無聊嘢。有一次喺禮堂度聽講座，條友係完咗之後負責安排我哋離開禮堂，跟住佢叫到我哋班嘅時候叫我哋企起身，我哋好自然就企起身然後向住禮堂前滿行。撚yeung突然之間喺咪度對住我哋班講，指出佢係叫我哋企起身，唔係叫我哋行。」





「台長，你講個單嘢真係證明到佢好無聊。我諗起有一次早會之後，我哋行上樓梯返課室嘅時候有人傾計，於是撚yeung就勁曬四年級嘅人喺樓梯罰企，塞到啲老師上唔到堂。」

「我都記得呀，嗰堂最後遲咗十五分鐘開始，何sir就遲返十五分鐘完，冇咗個小息，搞到我冇得食返早餐。」

「咁陰公。我哋入返正題啦，首先係搵邊個出版社印啲簿。」


Ig: marx_ice_
https://instagram.com/marx_ice_?utm_medium=copy_link