接下來的一整日,我完全未能成功聯絡到台長。

我也詢問了子芊、書豪、逸軒、阿方,他們也完全沒有收到相關消息。

正當我在焦急等待消息的時候,台長在內閣和助選團的whatsapp group中表示學生會的成員並沒有什麼大問題,但是學生會現在面臨一個十分嚴峻的問題,並且向我們助選員說有興趣了解發生什麼事、或希望幫忙的也能在明天到多媒體室。

第二天早上,學校在早會中發出廣播,報告昨天發生的事。

「琴日,我哋學校嘅學生會室起火,消防員起火之後39分鐘成功撲滅,喺事件中冇人死亡冇人受傷。警方並未有任何有關起火嘅原因,相信正處於調查階段。根據我哋校內嘅初步調查,起火原因應該係純粹意外。」





xxxxxxxxxxxxxxxxxxxxxxxxxxxxxx 「嚇死我,琴日完全搵你唔到。」

「唔使驚,琴日只不過係好忙好多嘢要處理。本身學校嘅功課同埋操卷已經有好多嘢,而家再額外搞到單大嘢。」

「搞咩?」

「琴日學生會室火燭,喺消防員救熄咗啲火之後,我哋內閣成員入咗去間房,睇下有咩損毀嘅情況。基本上學生會室入面已經冇嘢可以用到。」

「硬件都係由學校畀錢科水啫,有咩咁嚴重?」





「枱櫈同埋學生會室門口嘅電話呢啲梗係無關重要啦。

問題就係唔係大部分都係硬件設備,一啲紙張類嘅嘢、即係好似一直以嚟儲存嘅文件都俾場火燒成灰。」

「咁大件事?」

「係呀。以前啲紀錄冇曬,咁我哋如果要調查返曾經發生過啲咩事,我哋就少咗好多紀錄可以參考。」

「係喎,你哋嗰個選舉政綱其中一個就係嚴正徹查蘇sir虧空公款嘅情況。」





「係呀,所以而家好大件事。」

「痴線,咁樣查條鐵咩,文件都冇曬,你哋可以點樣起步,同埋真係喺燒燶咗嗰間學生會室開始工作?」

「咁就梗係唔會啦。學校話學生會室大火嗰個位置需要維修,所以連帶封咗一段後樓梯。學校嘅答覆係會改裝一啲多用途室畀我哋辦公,相信好快就可以開工。」

「真係多災多難,但係冇影響到你哋計劃㗎嘛,除咗調查虧空公款之外。」

「冇問題呀,琴晚同內閣成員傾好咗接著你一個月要做啲咩同埋分工,搞咗好耐。」

「辛苦曬喇。」

「辛苦都要做㗎啦。今日我哋第一件事就係要修改學生會會章,去兌現番令到學生會公開透明同埋發揮作用嘅競選承諾。至少我哋唔會得閒都可以喺辦公時間扑野啦。」

「又抽水,笑死。」






Ig: marx_ice_
https://instagram.com/marx_ice_?utm_medium=copy_link