那天放學後，我撞見有同學在學校後樓梯敦倫: 64 - 叫你除就除啦

「係喎，其實有一個方法可以幫你清走件衫上面啲湯，好過去廁所洗，你跟我嚟一個地方啊~」

「邊度......喂！」

我還未趕得及詢問她到哪裡去，蘇嘉祺已經捉著我的前臂向前跑。

被她牽引著跑了幾層樓梯後，她帶了我到家政室去。

在小息時間，只有家政室的御用助理- 校工好姐在家政室中，我看見她在按手機。





我還未有機會詢問她究竟到家政室去做什麼，蘇家祺已經開口：

「好姐，可唔可以借一借家政室去處理一下件校服，我哋唔會用好耐。」

「好呀，但係記得喺小息完之前就走，如果唔係老師就已經到咗。你哋自便啦，我出去一陣先，唔阻住你哋呀。」

「喂，妳帶我落嚟做咩呀？」

蘇家祺繼續沒有回答我的問題，反而提出要求：





「除低件裇衫，幫你洗洗佢。」

「吓？」

「叫你除就除啦！你想啲油漬喺度成日就唔好除啦，門口喺嗰度。宜家幫你手呀，你除唔除啫？」

「哦。」

我用了十秒時間脫下襯衫，家祺在我的襯衫上沾有粟米湯的地方塗上蘇打粉。





「用十分鐘時間浸少少梳打粉，就可以整走啲漬喇。」

然後，她纖細的手拿著茶匙伸向盛着梳打粉的塑料袋，潷起一茶匙，另一隻手揭起校裙。突然，她大聲呼喝：「望咩啊變態佬！」

我連忙轉過身來。我突然意識到，從剛剛被她捉著手臂到她揭起裙子的一刻，我也一直呆呆地望著嘉祺。看到她若隱若現的裙底風光，先旨聲明我不是故意的，難免也因此而心跳加速。

「望番過嚟啦，變態佬。」

「頭先......」

「頭先就係你個變態佬偷窺我。」

「我冇心㗎！」

「講笑啫，認真，同任何食物嘅油漬有關嘅嘢，可以用梳打粉浸嗰個污蹟十分鐘，之後再用清水洗走。」





「Ok喎，估唔到你喺呢方面識咁多，係咪成日倒瀉嘢le。」

「唉呀，好衰㗎，喺度笑人。仆街仔，信唔信我即刻倒啲豉油落你件校服度。」

說罷，她作狀拿起豉油瓶。

「我錯！對唔住大佬！」

我們花了幾乎整個小息清洗衣服上的「粟米湯」污漬。在回班房的過程中，我看到一個熟悉的身影俯伏在欄桿上。

「喂，咁啱啊！」

ig: marx_ice_