那天放學後，我撞見有同學在學校後樓梯敦倫: 78 - 糖不甩(2)
「阿鋒，我想食燒賣呀。」
「但係我哋啱啱先飲完珍珠奶茶，我宜家飽飽哋喎。」
「耶~陪下我啦，唔好抌低我。」
「我點會抌低你呢芊芊。」
「好耶，鍚曬你。」
說罷，她在我的面頰上親了一口。
在街邊小食攤檔付款過後，我把半打燒賣遞給子芊。
「你落豉油啦，同埋記得唔好落咁多辣油。」
然後我到旁邊收銀檯前面拿了兩張紙巾。
當我一轉過頭回去，我知道大事不妙了。我看到那一瓶子中的辣油滔滔不絕地與燒賣冥合。
「喂，喂，想辣死我咩？」
「梗係辣死你啦，唔通辣死邊個。你咪走咗去呀，你至少要食一粒。」
「死就死啦。」
然後我把沾滿辣油的燒賣塞進口裏。我在閉上眼睛承受辣油的折磨後，張開眼睛時驚見子芊在拿手機拍攝我。
「喂，影咩呀。」
「頭先你食到面容扭曲啊，我梗係要影低佢收藏呀。」
「唉，你話點就點啦。」
接下來的五分鐘內，子芊已經吃完剩下的燒賣。
我們在旺角閒逛，途中我全程跟著子芊，我們今天放學後大部分時間也是在服裝店內。
當然，她只是睇衫而非買衫，而最令我困擾的問題就是哪一件最襯她，對於零fashion sense的我真是一個大難題。
過了不足半小時，在經過一間甜品舖時，子芊叫嚷著：
「阿鋒，我想食甜品呀。」
「痴線，女人究竟有幾多個胃，點解可以食咁多嘢。」
「你冇聽過食甜品嘅時候，女人有第二個胃咩？」
「嗰個胃一定叫“無謂”，咁樣食法唔驚肥咩？」
「肥？你講咩話？」
「唔好意思，Sor，對唔住大佬。」
「咩唔好意思呀，罰你請我食甜品。」
「入去啦咁。」
「呢張糖不甩嘅相好靚，好吸引，我想叫一個。」
「老闆唔該，要一個糖不甩！」
五分鐘內，甜品到了。
一看到糖不甩，子芊便大口咬去半件。
「好味！阿鋒你做咩唔買甜品呀，齋坐喺度。」
「咁就梗係因為嚟陪最偉大嘅女朋友啦，同埋我邊度買得起兩份糖不甩，咁落去就嚟破產。」
「唔好完全唔食啦，你擘大個口。」
我照著他的意思做。
子芊把剩下的半件糖不甩放進我的口裏。
「好食，一食糖不甩又諗返起好多嘢。」
「我都係呀，有開心嘅、亦都有唔開心嘅，但係呢啲都係我哋以前嘅經歷。」
我們在吃甜品的時候回憶了過去發生的事，包括我們在低落的時候對方買糖不甩作安慰。
「食完喇。」
「芊芊，你個頭唔好郁。」
我拿起紙巾幫她抹走嘴上的花生碎。
ig: marx_ice_