那天放學後，我撞見有同學在學校後樓梯敦倫: 79 - 一人之境
「喂，國鋒，你有冇睇過黃sir個youtube channel？」
「邊個黃sir啊黃逸軒？」
「黃錦生老師啊，阿方個班主任啊。」
「咦，邊個叫我？」
「Hi，阿方，咁啱呀？」
「大家有咩搞作。」
「你個班主任呀，個youtube channel有音樂cover。」
「吓，咩cover啊。」
「林家謙首<一人之境>嘅cover啊。」
「咁正？咁我一定要返去睇下，但係佢個youtube channel係咩。」
「你去youtube搵“Wong Kum Sang”，淨係得幾個訂閱嗰個account。」
「好。」
xxxxxxxxxxxxxxxxxxxxxxxxxxxxxx
「芊芊，妳走未啊，就嚟六點喇喎。」
「阿鋒，我爭啲唔記得咗添，今日聽到好多人話黃sir youtube有條cover片。等我去睇下先。咦，點解會冇咗。」
「唔緊要，好多人喺whatsapp group send過出嚟。條link已經晨早save低咗。」
「Thanks，鍚曬你。係呢條片喇，“一人之境 feat雨嶠”。嘩，佢個歌喉好似唔錯。」
「係喎，幾時去參加全民造星。同埋佢較咗不公開都有千幾個views，仲要零個dislike，好屈機。」
「笑死，佢嗰句“乾一罐的汽水”走音。同埋佢喺邊度偷個自然流水片返嚟，三分十七秒都係啲水喺度旭緊。」
「唔係喎芊芊，你睇下條片右下角。」
「咦，有個浮水印喺度，浮水印上面寫住“peer turors”。」
「真係好差囉，仲要偷埋學校個浮水印。」
「但佢嗰一人之境整體嚟講真係唔錯。nooooo~自己一個做證~」
「咁其實邊個係雨嶠？」
「我search下先...
我呢度有證據證明佢偷咗人哋個鋼琴cover嚟用，我send去班group分享下先。」
（阿方視覺）
「我哋今日就講完呢篇past paper喇，希望大家寫齊notes，同埋溫書嘅時候真係要睇，唔好寫完就擺埋一邊，如果唔係你哋下次做閱讀理解嘅時候都係一樣。有冇同學有問題？」
此時，林栢豪舉手。
「黃sir。」
「係。」
「我想問點解喺篇文章入面，主角個老豆喺度吸煙嘅？」
「因為呢，吸煙可以提神，仲可以減壓，我哋學校有啲老師都會吸煙。」
「原來係咁。」
吓，等陣先。
（阿方視覺完）
ig: marx_ice_