那天放學後，我撞見有同學在學校後樓梯敦倫: (中秋加長版)85 - 蘇家祺
（蘇家祺視角）
蘇家祺、家祺、祺祺、祺姐。
Kiki, Kiki So。
靚女、班花、級花、校花、女神。
雞、臭雞、死臭雞。
上面嗰幾行都係人哋稱呼過我嘅名。
大家好，我叫蘇家祺。
各位對我嘅第一印象係上面嗰幾行嘅邊一個呢？
喺細個嘅時候，我基本上係萬千寵愛集於一身。因為我係屋企嘅獨生女，我阿爸阿媽基本上會滿足我所有要求。即使我哋屋企家境唔係特別富裕，我話想買啲咩，佢哋會不假思索緊買畀我。
可能係因為樣貌出眾嘅關係，基本上由細個開始，除咗同女仔玩得埋之外，我同好多男仔都可以玩得好埋。同女仔以及男仔相處最唔同嘅就係：對住男仔撒嬌，佢哋好輕易就會幫我，例如小學嘅時候我會成日叫男同學幫手去小食部買盒維他奶俾我。只要我對住佢哋單眼或者甜笑，佢哋就會好開心。
呢一招基本上萬試萬靈，上到中學之後成功率甚至高咗。
講返屋企，細個嘅時候我阿媽成日帶我周圍玩，基本上香港大部分你諗到或者去過好玩嘅地方，我都去過。所以，我同我阿媽嘅關係好好。
至於我阿爸......
唉。
佢一日到黑喺度望學校嘅事務，基本上冇乜點理我。
自從我開始讀小學之後，我阿爸做咗咩「副校長」，甚至忙到夜晚都返唔到嚟食飯，更莫講話陪我去玩。所以，我自細都同阿爸關係一般般。
我人生一個好大嘅轉捩點係小六。
嗰一年，我阿媽死咗。
自此之後，再冇人阿媽帶住我出去玩。
而我阿爸都一如以往，學校好多嘢忙，平日好夜返到屋企，又點會有時間陪我呢？
我同佢平日最多嘅對話就係：
「老豆，幫我簽通告。」
「老豆，呢個係今年嘅雜費表。」
「阿女，呢個係你今個月嘅零用錢。」
平日喺屋企都冇人睇住我，我中一嘅時候已經學識咗自己煮飯，同一時間打理屋企嘅好多家務。拖地、洗衫呢啲係基本操作。
當然，我唔會每日都煮飯，因為總會有啲人「請我食飯」。
自從小學我就領悟到一樣嘢，我個樣可以吸引到好多男仔鐘意我。小學可能係佢哋係幫我一啲小忙，但係上到中學之後，佢哋嘅獻殷勤越嚟越誇張。
我除咗收到各式各樣嘅禮物，亦都有好多男仔想撩我、約我。
漸漸，我身邊男仔朋友多過女仔朋友。
我嗰陣時總係覺得我一擺出少少姿勢，啲男仔會即刻畀我迷到神魂顛度，然後狗衝埋嚟。
事實上亦都係，大部分的確係感，尤其是係一啲狗公最積極。但係嗰陣時，我仲未知道已經有啲人忍忍咁對我不滿。
淨係一個中一，我已經拍咗好多次拖。拍拖嘅時候，我身邊嘅男仔基本上幫我畀曬食飯同睇戲嘅錢，仲送勁多禮物。
係嘅我叫佢哋做「我身邊嘅男仔」，唔係因為我驚數曬佢哋啲名出嚟會花好多時間，而係我根本唔太記得佢哋叫咩名。反正我求其叫佢哋「BB」、「BB豬」、「老公」，佢哋就會嗒曬糖咁樣，基本上我提乜嘢要求佢哋都會滿足我。
同佢哋相處根本好簡單，我一直用呢個模式咁樣同佢哋相處，自己慳到一啲錢，所以就會用嗰啲錢嚟幫自己買嘢，雖然大部分嘅嘢都係男朋友咪畀我。
直到，我遇上真正高手。
宜家諗返起，其實我係自作自受，因為平時咁樣去玩人感情，一年換幾十個男朋友，踩中地雷都好正常。
嗰個男仔大我幾年，跟住有一日我喺佢屋企玩，佢話教我飲酒，跟住借呢個機會灌醉咗我。醒返之後，我發現畀佢破咗處。
發生咗呢個情況之後，正常你哋會點樣處理？
繼續同男朋友喺埋一齊？唔出聲？同屋企人講？同社工講？報警？
我之後都有同佢搞過幾次，但好快同佢分咗手，但我亦都冇任何要告發佢或者同屋企人講嘅諗法，你要知道我告佢好簡單，我嗰陣時未夠16歲。反而，有另一個諗法走咗上我個腦。
俾搞嘅時候自己會感覺到興奮，我亦都唔反感。咁既然係咁，我點解唔用自己個身體搵錢呢？
所以，我亦都好快喺ig搵客。只要打上我當時嘅年紀、表達我係「學生妹」、再加一啲暗示，好容易就可以用好高嘅價錢接到好多客。
唔係講笑，我嘅生活基本上就係當時嘅男朋友幫我畀好多錢同埋好多嘢，再加其他客送錢畀我洗，即使我買好多嘢都好，我竟然仲有錢淨。所以，我不時都會買一啲禮物送畀我嘅（女仔）朋友。
因為咁嘅原故，其他人有一種錯覺覺得我屋企好有錢。
唔係我屋企好有錢，我好有錢啫。
正因為其他人覺得我屋企好有錢，所以有時唔夠錢洗或者手緊嘅時候就會過嚟問我借錢。
我都好少真係叫佢哋還，當係做個人情。
有個別聰明嘅朋友亦都會問我，係咪有返part time。我基本上都會直言不諱咁答佢哋，我做得最多嘅就係ptgf。
我記得其中一個我有咁樣講過嘅就係：潘子芊。
潘子芊......
講起佢個名，我心情就好差。
唔離題住，講返之前我話有啲人對我隱隱不滿。
但係我一直都唔清楚，直到有一件事被引爆。
有一個書蟲叫做梁書豪，個人都戇戇哋咁。試過一次見到佢個櫃桶入面有一舊水，我諗住玩下佢所以收埋咗張100蚊紙。但係之後嗰幾日，我完全冇見過佢投訴自己唔見咗錢。
真係白痴嚟嘅。
一次放咗學之後冇生意做，我又唔想返屋企，我就去咗自修室度hea下。
又見到嗰個書蟲坐喺度，個人on99,咁樣對住本書。
咦。
佢褲袋個銀包就嚟跣曬出嚟咁。
上次冇畀返張一百蚊佢，佢都好似唔覺咁。
今次我趁佢唔注意攞咗佢銀包，佢應該唔會發現，只會當自己係跌咗。
我行到佢隔離，伸隻手入佢褲袋想攞佢個銀包。
佢突然撳住咗我隻手。
大件事，畀人發現咗。
「非禮呀！」
我即刻嗌呢句，因為我知道大家喺聽到呢一句之後至少一半嘅人會同情我，而且書蟲亦都唔似會伸冤。
本來我以為係咁。
但係，有一班人喺度窮追猛打。
最主要嘅就係校園電視台，其次就係台長。
我用我個樣令到好多人仰慕我呢一點，我本來以為係優點，但係呢一刻變咗做缺點。
因為嗰一日喺自修室，原來有一條變態佬想偷影我裙底。跟住，佢咁啱影低咗我企圖偷銀包。呢條片喺校園電視台嘅一個訪談節目入面被播出嚟，自此之後，我根本冇辦法再辯解。
而且有啲對我積怨已久嘅，亦都係咁叫我做死臭雞。到嗰刻，我先至發現自己之前嘅行為過份咗，並且我之前做嘅嘢並唔係淨係會令到男仔仰慕我，亦都會有一啲好討厭我。
至於我企圖偷銀包嗰一件事，我老豆用副校長嘅身份幫我擺平咗，令到學校唔記我缺點。而喺呢件事上面，老豆亦都鬧咗我好耐，鬧到我喊曬出嚟佢都繼續鬧。
我咁大個女都未試過畀人鬧到我喊，更加冇試過畀人係咁叫做臭雞。所以，我嗰一刻開始好憎我老豆，並且想報復佢。
講起我老豆，我老豆真係越嚟越忙。佢有時過咗夜晚12點都喺度傾電話開會。由於我平時都夜瞓，我有時會聽到佢講嘅一啲內容，當中嘅內容真係細思極恐。
咁啱，學生會有人虧空公款嗰一件事鬧到沸沸揚揚，然後又橫空出咗單選舉舞弊爭議，我平日夜晚喺屋企偷聽到老豆講電話嘅內容唔多，但係我已經大概明白到係學校喺度搞鬼，而當中獲益最多嘅就係我老豆。
單純出於報復心理，我就用我得到嘅部分情報同台長做交換，希望台長成功暴露咗我老豆嘅惡行之後叫全校其他同學唔好係咁叫我臭雞。
台長亦都有照聽，喺佢哋成功咗並且公開呼籲唔好再遷怒於我之後，少咗好多人再當眾出言侮辱我。
經過呢件事之後，我少咗利用男仔，基本上冇再拍拖，但係攞曬啲時間投入ptgf嘅工作。
呢啲係交易，唔係玩人感情喇啩。
我真正開始鍾意一個男仔係中四。
大家都估唔到我都會暗戀人，係咪？
嗰陣時香港水深火熱，我自然都有好多不滿嘅情緒。我都聽到我畀人調咗職去做校董嘅老豆同學校喺汕頭嘅最高層當中嘅部分對話，聽到汕頭嘅最高層指示學校點樣去處理校園內嘅社會運動抗議。
同一時間，學校亦都有一個學生領袖，佢就係我心目中嘅男神鐘國鋒。可能因為佢已經主持咗校園電視台嘅節目超過一年，有一定嘅知名度，再加上佢完全唔驚學校嘅任何恐嚇，甚至直接直接周璇、抗議同談判。
佢真係好型。
但係我聽其他人講，佢對我冇乜好感，甚至因為當年我偷銀包嗰單嘢，佢對我有少少反感添。
唉。
原來暗戀一個人係咁辛苦。
我竟然終於有機會明白到我以前啲兵仔嘅感受，真係諷刺。
直到有一次我喺走廊快步咁行嘅時候唔小心撞到佢，我先至同佢有啲交流。
我拖咗佢落去家政室，然後幫佢洗畀粟米湯污染嘅衫。
我哋係靠得幾咁近。
我都曾經約過佢出嚟食飯。
但係，我仲未有機會講我嘅心聲，佢就已經同咗潘子芊喺埋一齊！
究竟潘子芊有啲乜嘢好過我呢？
xxxxxxxxxxxxxxxxxxxxxxxxxxxxxx
今日我如常咁樣放學，經過某屋邨嘅公園，見到有一個著住我哋學校校裙嘅女仔坐咗喺度......自己喺度喊？
發生咩事呢？等我過去睇睇先。
潘子芊？
我真係好憎佢。
我行埋去坐喺佢隔離，然後問佢：「做咩喊得咁犀利，妳嗰個咁好嘅男朋友呢？」
點知道，佢聽完我呢一句之後，喊得仲勁咗。
莫名其妙。
我忍唔住講：「做咩啊？你哋嗌交？」
子芊泣不成聲地說：「唔...係...啊...嗚...」
「我都唔知妳喊乜嘢呀，鐘國鋒一定係盲咗先至揀你！我話你望下自己先你，個樣又唔係特別靚、個胸又細、隻腳仲要唔長，你憑咩同佢喺埋一齊。你配同佢喺埋一齊咩？點解佢會肯同你喺埋一齊？你係咪色誘佢？」
佢冇答我，繼續喊。
「點解呢個世界咁唔公平。點解！點解，由細到大我想得到嘅嘢我都可以得到，點解我就係得唔到佢！妖，都唔知妳喊乜。」
講完這一句，我便轉身離去。
（蘇家祺視角）