那天放學後，我撞見有同學在學校後樓梯敦倫: 86 - 身經百戰

「冇錯呀，伯母你好。」

「我個女未返到嚟呀，你入嚟坐下？」

「好。」

然後，子芊的媽媽把我帶到飯桌前。

「隨便坐啊。咦，你呢盒咩嚟㗎？」





「糖不甩，本身希望買返嚟畀妳個女。」

「但係你喺學校唔會見到佢咩？你唔放學直接買畀佢食？」

「因為一啲事，我激嬲咗妳個女，想親自負甜品請罪。」

「嘩，子芊就好啦。等我估計下先，佢返到嚟之後一定會放過你。」

「我都希望係。」





「本身諗住問下你知唔知道我個女喺邊㖭。估唔到原來係你激嬲咗我個女。」

「我都想快啲請罪。唉。」

「唔緊要啦，咁我哋等下先。係喎國鋒，你讀緊咩科㗎？」

......

就是這樣，我們談了幾小時，言談甚歡。





直到，到了晚上七點的時候.....

天都已經黑了，但是子芊還未回來。

我們都十分擔心她。

她的母親對我說：「呢件事起因係你激嬲咗佢，你同我搵番佢出嚟，我要見到我個女咁樣返嚟。」

我趕快穿好皮鞋，然後下樓去尋找。

大件事了，我完全不知道她在哪兒。

我在她家樓下找了幾條街，終於看到面容憔悴的芊芊。

「芊芊！」





我的她的方向跑去，看到她的臉上像有一條條淚痕。

她說：「你死開，唔好行埋嚟，唔好掂到。我而家唔想見到你，你走，你即刻走！」

我還未有機會向他道歉和講買了糖不甩的事，她就向自己大廈的方向跑去。

「子芊！」

我已經完全不見她的蹤影了。

究竟，究竟我還可以用什麼辦法去挽回芊芊的心呢。

唉。





我想起一位朋友，一位「身經百戰」的「愛情顧問」。

「喂，黃逸軒？」

「喂。國鋒，做咩打電話畀我？」

「食咗飯未呀？」

「未呀，今晚要食自己呀，諗住落街求其食茶餐廳算。」

「一唔一齊食飯呀，我都未食飯。」

「好呀好呀，有人陪就好。一人之境真係慘。」

「屌你，有女都話自己一人之境？係咪串我。」





「女仔唔使返屋企食飯嘅。同埋直覺話畀我聽你唔係淨係想食餐飯咁簡單，如果唔係會無啦啦叫我。」

「聰明，啲嘢出到嚟再講啦。我過嚟你嗰區？」

「好呀，咁半個鐘後見。」

究竟我需不需要跟芊芊的母親交代呢？應該不用吧，她剛才向著自己家的方向跑去。

半小時後，我到達了沙田某個商場。

「喂！」

「你好少搵我食飯喎。」





「好彩少搵你食飯，沙田啲商場多到咁，重要一個連住一個，真係唔知邊個打邊個。」

「住得耐就知㗎喇，嗱，呢一邊就通去新城市廣場三期，呢一邊就通去好運中心......」

「得啦，我唔想聽，同埋我都記唔到。」

「咁不如我聽下你有啲咩煩惱囉？」

「好呀，行住講啦。」

然後，我一五一十地把我所知道的情況告訴黃逸軒。

「嘩，咁小事冇可能嬲成咁。佢有冇聽你電話或者睇你whatsapp。」

「電話就梗係冇聽啦。至於WhatsApp，幾個鐘前已讀不回，而家熄埋個電話。」

「我就覺得唔係你激嬲佢咁簡單。」

「即係點。」

ig: marx_ice_