那天放學後，我撞見有同學在學校後樓梯敦倫: 87 - 跪

「即係，淨係你激佢嘅話，佢唔會咁嬲。」

「err.......」

「佢本身應該係煩緊一啲嘢，跟住你一激嬲佢少少，佢就會發癲。唔出奇啊。」

「黃逸軒，你有冇試過遇過咁嘅情況？」

「有啦梗係，每一次都真係好煩，但係......」





「唔好但係啦，你點樣處理㗎。」

「妖，打斷我。佢有啲乜嘢情緒或者心結就梗係要幫手解開佢啦。至於用咩方法，我唔知道子芊同我女朋友一唔一樣。其實我頭先最主要想講嘅係，每一次咁樣傾完，段關係都會深咗，因為我哋對對方嘅了解多咗，互相亦都更坦承。」

「咁我可以點做呀......」

「具體點做就要睇你呀，佢係你女朋友，唔係我女朋友。」

「唉，不如食呢間拉麵？」





「好呀，佢個叉燒好似好吸引。」

xxxxxxxxxxxxxxxxx

我決定，要用放棄自己的尊嚴去讓她心軟。

叮噹。

「咦，原來係國鋒。喂喂喂，做咩跪喺門口度啊，快啲起身。」





「唔起，子芊唔原諒我我就成世都唔起。」

「阿女，妳放過佢啦。」

此時，眼框紅潤的芊芊從房間走到大門前，說：

「你唔好咁啦...我冇嬲你呀。起身，入嚟再講。」

我從地上起來，脱掉鞋子。芊芊牽着我的手，進到她的房間裏。

她關上房門，並且把房門上鎖，然後拉出她書桌前的椅子。

「坐啊。」

我坐在椅子上，看着芊芊坐在床的角落。





我們你眼望我眼，氣氛完全靜止，時間維持了大約一兩分鐘。

我率先打破沉默：

「對唔住。」

「我冇嬲你，你唔使道歉。我嘅問題，要講對唔住係我，係我錯，我......」

她突然大哭起來，我走到床上攬著她，什麼也沒有說。

我現在說什麼也沒有用吧。難道我說「不要哭」，芊芊就會不哭？恐怕會哭得更厲害。

過了一段時間，她開口：





「我...唔知點算好...」

「咩事啊。」

「我...唔識點開口，我唔知可以同邊好。」

「妳喺我面前可以即管講出嚟，無論發生咩事我都會聽。」

她欲言又止，然後用蚊聲：

「我...我俾劉朗然強姦...佢拍咗片...我可以...點...算...」

ig: marx_ice_