禁忌之戀: 第二章

(前一日)

「叮叮～」我部手機突然響,無諗過係女神揾我！

每次佢揾我我都會心跳加速全身發熱…彷彿啱啱做完運動咁..今次都唔例外…

女神話「Hey tung tung我有嘢要你幫手！你聽日全日得唔得閒！唔得就唔阻你啦…」

無錯,我哋感情已經升華到佢咁叫我…



「當然可以！要做咩？喺邊度等？」我二話不說應承佢,點可能拒絕一個難得單獨相處嘅時候。

(當日)

「Hi師姐,揾我出嚟係咩事？」我興奮又緊張地問。

師姐好似想誘引我咁「Emm….你覺得呢?hehe,陣間你就知啦～嚟,我哋行囉」

女神頓時橋住我隻手,呢個行為令我面都紅哂,好緊張咁話「嗯」就出發了。



原來,佢要我出嚟嘅原因係要陪佢shopping ….

我心入面諗「唉,都估到無好事發生㗎啦..不過總好過無得見面先係咪？」

「嗯？做咩呀？以為我當你係工具人約你出嚟幫我攞袋？」師姐見到我有啲失望嘅樣就問我。

我梗係即刻否認佢講嘅嘢㗎啦「梗係唔係啦！同靚女你出到街係我嘅榮幸！」

「車～又撩人哋～仲以為你真係嫌棄添～唔好講啦快啲行啦！」師姐帶點興奮又害羞咁同我講。



不知不覺已經到咗晏晝4點,女神就話

「不如….你幫我一齊拎返屋企..真係有啲重….唔小心買多得滯..唔該你呀～」

面對女神嘅請求我點會拒絕「好啦。」我哋分工一人揸住兩袋跟佢去佢屋企。

到咗佢屋企門口女神就話「真係唔該哂你tung tung,如果唔係你我都唔知點算好….啊！不如你入嚟坐下～我屋企人全部去哂旅行,唔驚啦～」

「吓？？？我..真係可以咩？好..好呀！」我心諗「哇….今日幸運值爆到上宇宙呀！！！！！幫咗女神攞嘢係一件好好好值得嘅事！」

女神帶我入到佢間房擺低啲嘢,佢衷心咁話「今日真係萬分感激！好人一生平安！不過宜家我想換衫,唔該你拎一拎轉..」女神害羞咁講。

聽到女神咁講我講笑就話「哎呀大家都係女人怕咩啫～」

但無諗過女神竟然當真…雖然佢只係好怕醜咁迴避我嘅眼神,無回應我,即使我無拎轉面佢都無出聲。



我見到佢換條褲嗰陣已經面都紅哂心跳加速興奮不已,我見到佢個樣都紅到好似紅蘋果咁。

當佢除埋上衣嘅時候,我個心已經忍受唔住,成個人嘅理性徹底失去…我忍唔住慢慢靠近佢,一到細細聲咁嗌「師姐…」一到靠近佢…

佢意識到我想靠近佢時候,佢再次唔敢直視望我,又害羞咁問「你..你..想做咩…」

當我行到女神面前我温柔地摸佢塊面,一瞬間我哋2個互望對方幾秒鐘,我哋2個一齊心跳加速。

我慢慢靠近佢塊面,準備錫落去佢個塊面到…

但突然！女神電話響起,我夢初如醒！

原來係屋企人打嚟關心佢喺邊度..當堂嚇咗我一跳…



佢cut線之後,既驚奇又怕醜問我「你…啱啱….係…想…錫我…？」

「唔…唔係呀…我邊度啫,講下笑啫～唔好咁在意喎」

「真係？你啱啱好似差啲錫落我塊面度喎。」

面對女神嘅質問,為咗唔好令佢對我更失望我只好承認..

「對唔住..我都唔知點解..好似控制唔到自己咁..如果無事我返屋企先..打擾哂..」

「咪住,我未話你可以走」

女神叫我再過到佢面前,佢用佢隻手手捉住我隻手摸佢塊面,佢擺出一幅要我真正錫佢嘅樣俾我。

我慢慢靠近佢..



當我哋2個嘴同嘴點到嘅一瞬間我個心就好似就嚟爆炸咁樣！個心火山爆發咁滯！

我輕輕錫咗佢幾啖,佢個樣好似好享受咁…我哋塊面同耳仔都紅哂..

我見到嗰陣忍唔住想將條利慢慢伸入去女神暖暖嘅口入面,佢開始意識到我想咁做,佢微微擘大個口。

我伸入去嗰陣佢輕輕呻吟咗幾聲,我望到佢個樣同聽到啱啱嗰幾聲,我估計佢都覺得好舒服..

我哋錫完之後2個口都有口水拉絲…我哋2個面好紅咁對望同喘氣咗幾秒…嗰刻我個腦一片空白…完全覺得呢個係個夢..

「你唔會覺得好嘔心㗎咩..女同女做呢啲嘢..仲要係同我做…」

「點解你會咁諗..同你做有咩問題。同埋你咁都唔get?」