禁忌之戀: 第三章

「我…我…Er…？？」

女神咁樣問我我一時反應唔切,口窒窒咁…佢對咗我微笑下,再慢慢攬住我,佢喺我耳邊細聲地話

「其實我一早就知你鐘意我,自己估到,加上有Fri同我講,不過我睇下你幾時會表白,點解你唔同我表白,點解你會鐘意我？你真係唔get？我俾你錫你都唔get？」

佢咁樣講我非常驚訝,輕輕推咗佢一下就驚訝咁問

「吓？？？？？你幾時知同估到㗎？？邊個同你講㗎？？？」



「係邊個就唔講啦,不過知道嘅時候係識你之後1-2個月左右,所以你點解鐘意咗」

「我…無諗過表白…因為之前都試過但被拒絕……同埋你咁靚應有好多人追…所以唔敢..點解鐘意你係因為…Er…你人又好…性…性格又唔錯…跟住…樣…樣又靚女！Er…我…我都唔知點講…總之我係對你一見鐘情！同埋係真心………」

當時我咁講已經抱住準備俾人拒絕同永遠都唔會聯絡嘅心態去講…好過咩都無講過就無咗件事…

「Ohhh…OK,你真係唔get??」女神再三問我

「get咩？？唔通你鐘意我咩..」



我講完之後佢突然同我法式熱吻！估唔到佢會主動錫我！真係好舒服…原來啲人話同人錫係真係咁舒服…

錫完之後我哋2個嘅口都有條連為一體嘅口水拉絲,又係怕怕醜醜咁互望對方。

「你真係鐘意我？」我問佢。

但佢無理會我,仲將我隻手由佢塊面慢慢移動到佢胸前…

「啊師姐你…做咩…」我即刻好緊張問佢…同時感嘆梗佢幅身材非常之好…



「你係咪鐘意我,你係咪會鐘意我全部…無論係我嘅優點,缺點,外貌,性格,身材所有嘢…如果係,你叫我英文名跟住同我表白,我就話你知…」師姐一幅渴求嘅樣咁問我。

「H,我係真心鐘意你…我鐘意你嘅所有,好定壞我都鐘意！咁…你係咪鐘意我…」第一次當面同鐘意嘅人表白…嗰種心情難以表達,史上最緊張嘅之一。

「我做到咁明顯…」H輕輕點頭。

「啊…Er？即係你都鐘意我？？你肯同我一齊？？」

「我都將我嘅初吻俾咗你…仲俾你摸我個胸…Fri都唔會咁樣玩啦…咁你覺得呢？」

「我覺得？？我覺得你肯同我一齊…掛…」我好唔肯定咁答

「係呀,傻囡唔好咁唔肯定先啦~」H摸摸我個頭,再攬實我。

「啊？？啊啊？？？？真定假？？我係咪發夢？？？」我非常驚訝咁講



「唔係呀~係現實呀～」H笑咗笑,嗰個笑就好似家姐對住個妹嗰種温柔嘅笑。

「咁…宜家我哋一齊㗎啦？係咪？？？」我好緊張又開心咁問

「嗯～」H再點點頭。我當刻心諗…我竟然…出到Pool！