「芝士,諗緊咩衰野」「吓,冇呀🤭」佢答完我就掩嘴笑,有好大問題出現…

「好啦,你地係度溫多陣書,食飯叫你地」伯母比依旋打多幾下就拋下呢句。

「仲有冇咩問題,冇嘅我地聽日繼續」完成左三個鐘嘅溫習,大家攰到訓著…

「食飯啦」差唔多八點半嘅時間,大廳果邊傳黎左呢個叫聲,應該係工人黎。

「大家食飯」依旋帶頭叫起呢個飯前語,而我地五個都跟住叫起黎,只係…



「你地係影天你嘅同學?」「唔係呀媽咪,係我學校嘅師姐黎」呢句爆左出黎之後,影天就立即掩住阿妹把口,好似爆左個唔應該講嘅秘密出黎咁…

「唔通依旋你有咩問題所以」「吾…吾…」依旋有話不能說,辛苦地掙扎…

「我地係黎幫依旋補習架」芝詩望左我一眼之後就回答左呢個問題,好尷尬…

「旋旋你成績跌左咩,你唔係全級頭三架咩?」佢媽咪講左呢句,我就知道…

「阿媽呀」影天好似比人爆左秘密咁坐返係椅上,之後依旋就不停扒飯…



「唉,想點就點啦,不過我想知係邊位幫依旋補習架」死啦,好似燒到我度…

「係我…」死就死啦,又唔係真係同影天拍拖,只係幫依旋補習,冇事嘅。

「嗯,咁依旋拜託你啦」嗯?,咦?,比我想像中平靜,好似冇事發生過咁。

過多大約一個鐘,我地五個就靜靜咁離開影天同依旋嘅屋企,返到自己屋企。

「呼,岩岩真係好辛苦」「原來依旋係頭三,咁仲補咩習喎」好似比人呃左咁…



「可能係佢阿哥想近你嘅手法黎呢」芝詩提左一個好重要嘅點,影天好似仲…

「呀,咩都唔諗呀」但仲有一個問題,聽日我地仲去唔去佢果度練舞好?

叮,手機上面突然彈出左一個通知,原來係依旋嘅訊息,想我繼續制怇補習?

「樂盈姐姐,岩岩阿媽講嘅唔係真架,我都係想你繼續幫我補習,聽日你可唔可以繼續過黎,仲有係教我跳舞呀😍😍」呢個訊息,令我覺得有啲窩心。

「做咩望住電話傻笑呀,影天send左野比你?」係屋企入面,芝詩攤左係度。

「依旋炸」好快就同佢地兩個分享左段訊息,又傾左聽日去到佢屋企應該點。

「究竟你同佢係點架姐,佢阿妹又咁熱情…」「我都唔知自己想點」好快就同佢地傾左兩個鐘,又係到左第二日返學,直到放學都冇野發生,不過放學果陣…

「樂盈」後面傳黎老師嘅聲音,呀,今日放學我好似係約左老師去傾功課…



「sorry各位,你地過去先」「姐姐?」依旋好快就落到黎圖書館,點算呢…

「唔緊要,我地等埋你」佢地講完就入左圖書館,而我同老師傾左半個鐘。

「走…,咦…」係門口出現左架名貴房車,同上次搭果陣好似差唔多,唔通…

「阿哥,你做咩黎左嘅」「管家話你好耐都未返到去,所以咪黎接你囉」「冇,我等埋樂盈姐姐炸嘛,佢黎啦」係度傾到我果陣,我就已經行到依旋身邊…

「上車」「嗯」係車上面一句野都冇傾到,之後就到左大屋,再到舞蹈室。

「姐姐,今日有咩可以學」落車前一刻,依旋就問左我呢個問題,其實我…

「溫左書先,下個禮拜開始測驗」「可以呀」叮,係坐低之前就聽到呢下聲音…



「星期五堂可以繼續上,大家記住星期五帶齊跳舞用品,4點半見大家」呢一句完完整整咁出現係我地三個嘅手機上面,樂愛同易心就係星期四,即聽日…

「姐姐,冇事呀嘛」「冇…冇」唔想咁樣打沉依旋,就講左個善意嘅謊言。

「好攰呀」溫左差唔多兩個鐘,我地都攤左係地下,而背後就傳黎一把聲音…

「你地…」咁岩我條校裙向住門口方向,立即要整理一下,唔係就走光啦…

「樂盈你…」「你…岩岩見到啲咩」「冇…」我地兩個好尷尬咁對望左下..

「姐姐,我地去練舞囉」依旋好快就將呢個情況打破,而我亦都去左換衫…

「盈盈,真係唔同依旋講?」「Er…,我仲諗緊呢個問題…」兩個鐘時間,我都諗唔到應該點同依旋講,點同佢講我地三個唔可以再陪佢溫書同練舞。

「我地今日」好似平時跳舞老師教我地咁,一步一步咁教住依旋,再到我地…



「好攰啦…」「盈盈,練一次囉」我地三個合拍地練左一次表演嘅舞,之後…

「呀」一個動作唔流暢咁完成,之後就發覺隻腳好似唔聽使…,仲有啲扭襯。

「冇事呀嘛?」「樂盈?」影天聽到聲音好快就衝左入黎,手上面仲拎住一枝…

「我自己黎得啦」好快就拒絕左佢嘅動作,而芝詩亦開始為我搽跌打酒。

「我地…」「嗯?」芝詩係度搽緊果陣,我覺得我應該要講,要講星期五開始…

「我知架啦…,星期五你地唔會再過黎」影天好平靜咁講左呢句,但依旋就…

「下,咁邊個幫我補習」好似關注自己學業嘅依旋,好快就講左呢句出黎。



「唔緊要啦依旋,我幫你再搵過…」「但我想要姐姐喎」兩兄妹開始拉扯…

「其實…我地每日都係去到6點半,如果唔介意」「不如我去學囉?」不到三秒嘅時間,依旋就爆左呢句出黎,但係…依個時間先開嘅班真係唔多,應該話…

「我地要問下有冇你呢個年紀嘅班先得喎」「咁我等你嘅回復啦…,不過姐姐你可唔可以一個禮拜黎兩日呀,我有好多好多問題問你架」好快就笑著回應。

「差唔多時間啦」我地五個開始執野,不到十五分鐘時間就離開左大屋…

「呼,聽日終於可以脫離苦海啦」芝詩好快就爆左呢一句,但都唔算咩苦海。

「盈盈你真係想幫依旋入黎學舞?」樂愛問左呢個問題,但都要問下老師先…

「未知呀,但都幫佢問左先」傾傾下就返到屋企,而麗晴同芝詩就準備晚餐。

「下個禮拜測驗,你地會唔會去學舞?」問左兩年好朋友,之後再決定回做…

「應該唔會啦,星期五請定假」「我仲諗緊」我都仲係沉思當中,電話就響起…

「喂媽咪?」「阿女,我同你爸爸星期六就返黎,有冇咩想要?」聽到呢個問題,佢地去左邊度工幹我都唔知添…,之後就同媽咪傾左差唔多半個鐘…

到左星期四就冇咩發生,係比依旋纏住,教呢樣教果樣,我好似變左做家姐…

「歡迎返到黎跳舞教室」一堆開場白、練舞時間,最後就係總結同交待情況…

「老師,我想問…」一到左呢個環節,我個腦就有少少lag機,但就聽到…

「姐姐我黎啦」依旋轉眼間就出現係我面前,而影天就慢慢咁跑過黎。

「老師,想問有冇比中一女仔學嘅初級班…」之後一路問依旋就一路答,最後就決定左星期一,嗯,同我地果班嘅時間一模一樣,即係由返學見到6點幾。

「好野,同姐姐同時間學舞」依旋聽到之後就跳左起身,而佢就係度買哂所有有用嘅野…,呀,之後仲要帶佢去買鞋嘅野,總知…就仲有好多野要準備。

「咁之後就交比你啦樂盈,好好帶佢」老師交待之後就消失眼前,咁我應該…

「係唔係仲有咩需要?」影天問左呢個問題,所以我就帶佢地去左尖沙咀…

「一齊食飯?」當時,只有我地兩個,佢問呢個問題,係想同我兩個食飯?
已有 0 人追稿