起舞吧!愛與舞蹈的感覺: 3
「咁依旋…」「阿哥，我揀好啦」一分鐘尷尬後，依旋就帶埋對鞋黎我地面前。
「仲有其他野呢？」一樣又一樣野放係依旋面前，之後就埋單去食飯…
「嘩，估唔到跳舞都有咁多野準備」「唔止架…」我慢慢播啲影片比佢睇，但…
「依旋你對眼發緊光嘅？」「係咩，哈哈，可能真係好好玩啦…」好玩？，哈哈，真係試過之後你會痛不欲生，再之後你就會大叫救命架啦，應該…
「姐姐星期一返學見」食左差唔多個半鐘飯，我地就返左荃灣西站解散。
「嘩，今日咩書都冇溫過，聽日爹地媽咪又返黎，點好…」沖好涼之後都差唔多十一點，個人攰到唔想溫書做功課，就攤係床上面睇電話，點知就見到…
「多謝姐姐，好仲意你呀😘😘」嗯，係佢add我Facebook，仲要tag埋我…
「好仲意我？，講緊你自己定你阿哥？」係個心諗左十幾秒，就比鈴聲打斷…
「芝詩？」「嘩，你做左啲咩黎呀？」一句打過黎，唔駛問都知講緊果個post。
「咩都冇做過，只係簡單介紹左啲芭蕾舞野比佢炸…」一路講一路笑，不知不覺睡魔急call，訓醒果陣已經係星期六嘅十二點，而媽咪會係6點返到黎荃灣…
「食完飯就做功課溫書」同自己講完就去左海之戀商場，食個快飯就返屋企…
慢慢食完飯，飯氣攻心情況下就行左半個鐘商場，用左兩百蚊，嗯，算少啦…
鈴鈴鈴…，麗晴嘅電話到，原來有學校功課唔識，但點解係問我唔問自己班…
「我知你學過呀嘛學霸」「咁依家黎我屋企…」一路答佢問題一路做自己嘅功課，又溫埋星期一開始嘅測驗，時間一分一秒咁過，到電話響已經係六點半…
「阿女，你依家係邊？」「我係屋企溫緊書呀，做咩？」「咁落黎樓下食個飯，我同你阿爸仲有十五分鐘就到」好快咁同麗晴講完，佢又打左電話返屋企…
「伯母你好」「呢位係…」「我嘅姊妹麗晴，今日一齊溫書架」同爹地媽咪介紹完就坐低一齊食飯，而係我同麗晴嘅對話之中，媽咪就搵左一啲問題…
「星期一見」一個鐘後就同麗晴講再見，但係媽咪眼中，我睇到十萬個問號。
「爸爸你都攰啦，不如你番屋企休息下先」媽咪用一句就洗走左爹地，慘囉…
「阿女，我地去食個甜品傾下…」係風暴來臨前都係平靜嘅，麗晴救我呀…
係甜品舖落左單之後，媽咪一路望住我又一路唔出聲，我個心一直噗噗咁跳。
「媽…咪…」「阿女，我唔係叫你唔好拍拖，但係果個男仔…」用左三十秒講哂佢想講嘅野，之後我個腦一路轉一路轉，都諗唔到點答媽咪呢個問題好！
「紅豆沙」「係樂盈姐姐呀」門口經過一對男女，個女仔嘅聲音話我知係依旋…
「依旋，你地係度嘅」「係呀，我地出黎食飯」「阿女，呢位係？」同媽咪介紹完之後，依旋就坐左係我隔離，影天…就坐左係媽咪隔離，有啲似見家長…
「姐姐，幫我睇下跳成點？」依旋落左單之後就拎左條片比我睇，係佢跳嘅？
「阿女…」媽咪嘅聲音不斷叫我，但我已經沉醉左係依旋嘅舞蹈之中…
「跳得幾好，早知幫你報中級班」「唔制，我要同姐姐你一齊落堂」同依旋兩個笑果陣，先望到媽咪奇怪嘅眼神，再望望隔離嘅影天，唔通係媽咪發覺左咩…
「我地都食完啦，媽咪走囉…」同媽咪離開左甜品舖，我先回頭望下影天。
但影天望住我嘅眼神係有啲野，唔通媽咪岩岩發覺左佢對我嘅心意？
「阿女，好好同我講岩岩個男仔…」「吓…，唔係呀，我同佢個妹熟炸」唔好意思啦依旋，要搵你黎做擋箭牌，因為我唔想比媽咪知呢件事住。
「好啦，返到屋企早啲訓」返到上屋企已經係十一點，但我啲功課仲等緊我。
鈴鈴鈴…，一陣又一陣嘅手機鈴聲，好似提醒緊我有咩要做咁，唔通係…
「大獲…」望住手機上顯示嘅名，冇錯，今日又係約左姊妹出街嘅日子。
「盈盈！」係到達果一刻，芝詩已經一馬當先咁向我發炮，但我真係好攰…
「芝士，盈盈好殘呀，不如比佢講下咩事先啦」會合左大家之後，就坐左係一間餐廳入面，嗯，原意係食野，但依家就變左做問答大會，姊妹，唔好咁啦。
「講，做咩遲到」「我…」叮叮…，手機上面顯示左媽咪嘅訊息，咦，依旋？
「琴晚個女仔上左黎」「相片」係一張係門口影嘅相，相入面係依旋同媽咪。
「喂」電話唔到三秒就響起，來電顯示係依旋，即係見唔到就打比我，咩事？
「姐姐你係邊呀，我想你幫我補習」一黎就講明咩事，之後姊妹都望住我…
「我返一返屋企先」「等埋呀盈盈」好快就比大家捉住，一齊返我屋企。
「姐姐，咁齊人嘅」明明約左大家去行街，點知就變左溫書日，呼。
「有冇人識呢條…」大家都好努力咁係我本書度搵問題問，而我就…
「呼，明哂啦」同依旋補左差唔多兩個鐘習，之後就見到佢阿哥嘅訊息。
「你去左邊…」「去左姐姐度溫書」依旋面不改容咁答左呢個問題，但我…
「咁一陣叫埋樂盈黎食飯啦」嗯？，我好似冇應承過喎，仲有，一陣媽咪佢…
「盈盈，你啲朋友一唔一齊食飯？」「我可以」「等我問下屋企先」一個又一個嘅答覆，只係差依旋一個，嗯？，依旋佢…住係張櫈上面訓著左，真係咁攰？
「依旋？」推左佢一下就醒左，睇黎佢真係好攰…，所以就幫佢復返佢阿哥…
「我想同姐姐食飯呀，你今晚自己食啦」係呢個時候，阿媽已經出左街買野。
「不如我地搵野玩？」你一言我一語之下，我地就搵到大富翁黎輕鬆下。
「嗯？，我係邊？」一個鐘之後，依旋係我張床度醒左，亦都一齊玩大富翁。
鈴鈴鈴…，係呢個時候，依旋部電話又響起左同一個鈴聲，佢阿哥又黎啦…
「好煩呀」依旋一邊講呢句一邊閂左自己部電話，同一時間，我部電話響…
「影天？，依旋佢…」唔知點復先好嘅我一直呆左係度，亦都冇比任何反應。
咔…，叮噹…，呢兩下聲音係同一時間發生，而芝詩亦都開左我屋企嘅大門。
「阿哥…」依旋驚訝嘅聲音表達出嘅無奈…，點解會搵人搵到上黎我屋企…
「樂盈，不如我地一齊食飯呀」佢笑笑口咁問我，但依旋卻搖頭說不…
「吓…，我阿媽買緊餸啦，我今晚同屋企人、同姊妹食炸」搵班姊妹過橋先。
「咁…」「喂，今晚唔駛煮我飯啦，嗯，今晚會返黎，嗯，8」佢想點呀？
「我諗你唔介意多一個人食飯？」好似好強勢咁，令我同依旋都唔敢say no…
「咦，多左個人嘅」「伯母你好，琴晚都冇打招呼添…」下刪一百字…
「冇問題，我準備晚飯先」差唔多七點鐘，爹地返到，佢見到影天嘅眼神係…
「88盈盈」「聽日見啦姐姐」一行人慢慢離開我屋企，而我感覺到嘅係殺氣。
「樂盈」一陣又一陣強大嘅氣息係我後面傳黎，而發出果個人正正係我爸爸。
「你係唔係拍拖」好似我做錯咩咁…，拍拖？，冇，我幾時開始拍拖我唔知？