地府實習生: 自私罪名

晚上，酆都城 ，小冰、牛頭、判官、30歲女亡魂

【小冰睜開眼，來到地府另一個工作崗位】

小冰：  【捽眼、左望右望】呢度係？
牛頭：   土地廟學習完，會派你去轉另一個崗位，歡迎嚟到酆都城！
小冰：   【抬頭看】酆都城係…？閻羅王住嘅地方？堡壘嚟㗎？
牛頭：    通通都唔係，呢度係鬼魂審判嘅地方，每鬼魂入城都要掃描手上qr code，而城裏入面就係法庭，為自己生前所做的事接受審判。
小冰：   【興奮】哈哈，上次就話似入境處，呢度直情係法庭！咁我職責係做咩㗎？

【牛頭與小冰進入去】

牛頭：  就係陪審團！坐喺欄後面聽鬼魂所犯的事。
小冰：   下，好悶喎，全程坐喺度聽。




牛頭：   乜依家啲後生女唔鍾意返荀工咩，俾錢你坐定定喎，好快習慣㗎！ 

【牛頭離開】【小冰坐在欄後，看到女亡魂正在判刑】

 判官：   亡魂204456號犯下大錯，前世謀殺親人再加自殺，你認唔認罪？
女亡魂：   我唔認罪，我冇第二條路揀，只有呢個方法我同姐姐先可以解脱。
判官：   大膽！犯下大錯仲話可以解脱，你有冇諗過後果，你家姐係無辜㗎！
女亡魂：   收聲！你根本就唔明！你根本就唔知我有幾慘，係細個嗰陣父母因為交通意外死咗。咁多年以來，淨係得我同姐姐相依為命。
判官：   你所有資料我都清楚，既然兩人選擇咗活下去，就應該堅強相依為命，但你選擇咗一條不歸路。
女亡魂：   哈哈，你講就容易，但我姐姐智力只有三歲，要照顧佢真係身心疲累，我冇其他辦法呀！
判官：   就係因為你嘅自私，就將佢先殺死然後自殺，咁就已經罪有應得。
女亡魂：    我冇錯，呢個方法係令到我哋兩個盡快得到解脫，無謂再喺人間受苦。你有冇有諗過我嘅感受，每日工作已經好忙，返屋企仲要照顧一個智力有問題嘅親人，呢種唔係自私，而係選擇左一種大家都過得好嘅方法。

【小冰聽後，一臉沉思】

判官：   人類只會不停為自己諗藉口，講到底都係自私，根本無人有資格剝奪他人性命。何況佢係你親家姐，你有無理過佢意願…
亡魂：    【大喊】唔係咁㗎…
判官：   【望欄後】裁判團可以投票
小冰：   【舉起手】OS：其實講資格，我都無。每個人都係自私，所做嘅事出發點都係為自己行益行先，而佢只係搵n個藉口去合理化自己行為，行錯一步就一世。
判官：  【拿起錘仔】現在宣判，亡魂204456以6比1票裁定罪成，立刻拖落地獄。
亡魂：   【一臉平靜，離開】

【牛頭突然出現在小冰旁】

牛頭：其實兩個世界好似好遠，其實入面都一樣
小冰：死咗都有情感咩？