要愛情，定要麵包?: 6. 我的小小秘密

「你仲係咁傻，Jessie走左之後，你每日都係CW IVE望住佢屋企，得閒就去我地學校門口坐」
 
「妳見到我?」
 
「幾次咁啦，你…比佢未婚夫更愛佢」
 
「咁又點?佢就快結婚，我都係」
 
「我地成班都好羨慕Jessie，如果你真係愛佢，你唔好咁辛苦，同Jessie講啦」
 


「佢點會唔知…我同佢…呀…」
 
「你同佢試過果樣野我知」
 
「點解妳會…」
 
「果次你地兩個好彩，果日Jessie原來係危險期，你地又冇用到，咁都唔中獎算你地好彩」
 
Jacqueline咁樣講完，我反而覺得，如果10年前我地做左爸爸媽媽會唔會更好
 


「唔好諗當年中左獎啦，Jessie同你兩個一日未簽紙，你地都有得揀」
 
「傻啦Jacqueline…………我同佢分開左8年…..」
 
「傻果個係你，你早年去雪梨6次為咩?」
 
點解佢會知道我過左雪梨6次?冇可能，我同佢地之間冇共同朋友，佢地點會咁清楚?
 
「你仲係第一次跑到差d抽筋，之後第二日唔理幾辛苦，孭住背囊係雪梨到不停行，就係為左搵Jessie」
 


聽到Jacqueline咁樣講，我更加肯定我地之間一定有共同朋友
 
「等陣先!!!妳點會知道我嘅事?我同妳地冇共同朋友，我係大坑真光得Jessie一個…」
 
「咁九龍真光呢?你唔識人咩?」
 
「九真咪識個肥妹Astor囉」
 
「咪係佢囉」
 
「點會」
 
「佢F.1-5，係我地港真嘅人，不過佢中文班，所以F.6先去九真。不過冇用丫，你識佢果時，Jessie已經走左。你有開心唔開心，都同Astor講，我之前以為你會追佢添，你知啦，你咁鍾意真光嘅女仔，你第一個鍾意嘅真光女仔係我地大師姐，讀九真嘅補習老師嘛」
 
估唔到佢地連呢個小秘密都知，點解會俾佢知道架


 
「唔洗唔認啦，連Jessie都知架啦」
 
我當時真係好想叫醫生幫我捐哂所有器官走就算
 
「你呢，要好好養好身體，你手術完左之後，你屋企同女朋友一定會不停煩你」
 
「我打算留係醫院宿舍到住一段日子」
 
「Clarence，你咁樣避唔係辦法，你知道你心入面想做咩」
 
「Jacque呀…我唔想破壞Jessie幸福」
 
Jacqueline嘆左口氣，可能佢已經預計到我會咁講
 


「你仲係咁為其他人著想，你要為自己諗下先得架!!當年你狠心一d，就應該過去澳洲讀藥劑再追Jessie啦」
 
「藥劑師嘛……我真係好想做……」
 
「我只可以俾少少意見你啦，唔可以強迫你做」
 
「咩意見?」
 
「做自己想做、應該做嘅事，Astor都話過我知，你同女朋友之間，有好多問題」
 
「例如?」
 
「價值觀；你想繼續進修，因為你俾Jessie影響左，而且你鍾意做研究，想發明新藥。不過你女朋友唔同，佢想你快d賺錢就算，佢係現實派但你唔係」
 
「妳真係好清楚我喎」


 
「今次捐肝，佢同你屋企人有咩意見呀?」
 
「咪又係果樣囉，仲有咩丫」
 
「錢呀?」
 
「當然啦，仲要Jessie屋企俾五百萬，凌Sir邊有咁多錢」
 
「不過，就算冇錢，你都會捐俾Jessie啦」
 
「仲洗講嘅」