要愛情，定要麵包?: 16. 一個重要的決定

我坐係屋企書檯前，慢慢睇藥劑系嘅資料。而家有一個大好機會俾我去完成做藥劑師嘅夢想，我係咪應該捉緊呢?
 
第二日，我返到醫院，有空檔時間，就搵左老總商量
 
「Clarence，如果你去澳洲嘅話，只係讀兩年再實習就可以做到P」
 
「兩年咁少?有咩可能呀?」
 
「你唔好忘記，你係IVE係讀藥，而且你又讀到master，同埋已經做到SD，有好多基本嘅野你係唔洗再讀」
 


「三年就可以做P…幾吸引下，但係雪梨大學排澳洲第二，佢會唔會咁易就收我呢」
 
「冇問題嘅，只要你肯apply，醫院會幫你」
 
於是，我唔理屋企反對之下，報左雪梨大學嘅藥劑學位，我將所有文件寄哂去澳洲之後，就只有等
 
我放工之時，思思黎左等我，見到佢，一日嘅疲勞都冇哂
 
「妳今日覆診?」
 


「嗯，然後等你放工囉」
 
「醫生話妳康復進度點呀?」
 
「比預期中好，始終係返屋企休養嘛」
 
「不過妳仲要食得清淡D啦，而家妳停左抗排斥藥，醫生開左D維他命俾妳，妳都要食哂知唔知?」
 
「知啦，未來嘅藥劑師」
 


「我真係報左名」
 
「藥劑?去邊到讀?」
 
「妳屋企，雪梨」
 
思思低頭不語
 
「點解一定要揀澳洲?」
 
「因為…我想照顧妳囉…即係妳嫁左人，我都可以用第二種方法去守護住妳，同埋妳將來嘅小朋友」
 
「砵砵豬你真係好傻」
 
「有個傻小子照顧妳唔好咩」


 
我地兩個係街到慢慢行
 
「妳想去邊?」
 
「仲洗問嘅?」
 
我地兩個仍舊坐係杏花村海邊，相同位置，今晚嘅思思，顯得心事重重
 
「妳做咩呀傻妹」
 
「我….其實考慮緊….係唔係悔婚唔嫁佢」
 
「做咩咁講?佢對妳唔好咩」
 


「其實….佢…係我最需要人幫果時就出現左，當時我冇依靠…先至鍾意左佢」
 
「咁咪得囉，妳會返去澳洲同佢結婚架嘛」
 
「但係我返到黎，就已經開始唔想嫁佢啦」
 
「咁妳做咩應承佢呀?」
 
「其實…係我發病之前，我每一日…都返黎呢到」
 
「點解?」
 
思思望實我，佢眼中充滿淚水，彷彿就似黃河缺堤一樣
 
「等….等你呀」


 
說話未說，佢已經伏係我身上喊，而且唔係偷泣，係放聲大喊
 
「我好掛住你呀……砵砵豬… ……」
 
我摸一摸佢髮絲，然後攬實佢，佢係我懷內不停飲泣，將咁多年黎嘅思念一次過爆發出黎
 
「傻妹….我咪係妳身邊囉，遲D我都可能會去雪梨讀藥劑嘛，到時我咪經常可以去妳屋企囉」
 
「我….我想同你組織家庭…..」
 
「傻女….大個女啦，妳唔可以好似以前咁樣咁任性」
 
「但…但係…」
 


「不過….最後呢個月….妳可唔可以用返思思豬黎陪住我?」
 
思思聽完之後塊面紅過紅蘋果，因為當年我係同佢發生關係果一晚開始，我就咁叫佢
 
「你…你…唔好爆傷口呀….」
 
「妳諗咩呀咸濕妹」
 
「你…你先係咸濕仔呀!!!!果晚…我都冇打算同你…咩」
 
「喂…果晚係妳話要幫我生BB喎」
 
「咁…我…呀…果晚…」
 
其實當晚，係大雷雨加8號波。思思果陣話去我屋企溫書，然後返唔到屋企，所以被迫留係我到過一晚，然後我地兩個就…