要愛情，定要麵包?: 18. 驚人的消息

「嘩…一次過玩哂啦，真係好開心」
 
係囉，我就唔荒唔開心啦
 
「係呢，你幾時過去開學呀?
 
「九月頭囉，一開始就spring sem」
 
「但係搵左屋未呀?」
 


「屋呢方邊嘛…就真係要搵搵」
 
「唔…一係我介紹我個包租婆你識囉」
 
「佢有好多貨係手?」
 
「唔知佢呀…再唔係就…」
 
「就點呀?」
 


思思面紅紅咁樣講野
 
「唔…一係…..不如…你同我一…一齊住囉」
 
飲緊水嘅我立即落錯格
 
「同妳….咳咳….一…咳咳…一齊住?」
 
「你唔想咩?」
 


「但係…妳有未婚夫，我同妳一齊住又好似…」
 
「我而家嫁左啦咩?我可能最後唔嫁佢架」
 
「妳唔怕其他人點睇咩?」
 
「唔怕喎，我仲有細佬係到，你怕咩呢?」
 
「咁…都好嘅」
 
「咁我地繼續去玩啦」
 
「仲…仲黎?」
 
「當然啦，時間唔等人架嘛」


 
兩星期後思思搭飛機返澳洲，而我都開始執拾細軟，向醫院辭職，仲有準備將間屋放租
 
我將所有野交俾我舅父一家打理，因為佢地係最支持我過去澳洲讀書
 
一如我所料，只有醫院同事同舅父一家人黎送我機
 
「過到去安頓好就通知我地啦」
 
「俾心機，你返唔返黎都冇問題，因緊要做到自己想做嘅事
 
我帶住依依不捨嘅心情，搭飛機向雪梨出發
 
原來長途機D空姐真係唔錯架喎
 


經過左10個鐘機程，我到左雪梨，唔會洗理時差啦，又唔係去美國
 
一出閘口，已經見到阿偉係到等我
 
「唔?家姐呢?」
 
「嘩，你眼中真係只有家姐一個」
 
「唔係架，我都有你架」
 
我地嘻嘻哈哈咁返到思思屋企，佢地屋企只係apartment
 
一打開門，就已經見到思思佢係到等我
 
「拿…同家姐兩個好好相處啦，我返屋企先啦」


 
返屋企?做咩呀?
 
「你唔係同家姐一齊住咩?」
 
思偉佢有少少尷尬咁講
 
「咁其實呢…即係咁…我呢…」
 
見佢咁樣，都應該係同女仔同居架啦
 
「明架啦，你去啦」
 
間屋剩低我同思思兩個，佢幫我手將D野放係房後，我地兩個坐係廳到
 


氣氛比較尷尬
 
我同一個就快結婚嘅女仔，一齊住係同一間屋入邊
 
「呀….思呀…」
 
「係…」
 
「我搵到地方就會盡快搬走架啦，始終…妳知啦…妳就快結婚」
 
思思佢低頭左一陣，當佢望住我時，雙眼通紅
 
然後，佢講左句好震撼嘅說話，我完全冇諗過佢會咁講
 
「我…我悔左婚」