༄她。比糖更甜？༄: -第四章 約會拍拖？定係拍片？

-第四節 約會拍拖？定係拍片？
　到了今個星期六時，約了阿浠拍菲林相機的這天，我決定非常早起身，因為我真的非常害怕會遲到！我們約實的時間是十一點，但我一早已經在七點就起身了，順便可以執拾今天的背包。
　我們倆都到了屯門碼頭等待船隻，沒有錯今天是去大澳進行拍攝！
　「嘩！開心仔今日又去大澳囉！」我開心地說。
　「哦，我都係第二次去咋。」阿浠好奇問「大澳有啲咩咁正呀，除咗多魚檔有特色…真係唔知啦。」
　「堅正呀！因為本身我都好鍾意大自然呀嘛！」我說「重點就係搞到好似個舊式香港特別鍾意！！」
　「Ohh原來原來。」
　眼見有越來越多人走過來排隊等候船隻，都差不多時候要開船了。因為我們是最頭排隊，所以都特登挑選了最舒服的位置坐下來！
上了船後，我們都有少少尷尬都戴著耳機聽音樂…因為我們都叫做第一次約出來…所以在這種尷尬的氣氛又很想開話題…但是又害羞不敢說話…
最後我不掙扎，決定說點東西。


「話說呢」我說。
「話說呢」她說。
嘩！當時我真的想不到竟然會異口同聲。估不到只會在小說動畫電影的情節，竟然會出現在現實。
「er話說我哋幾時開始拍呀」她說。
「哦，一陣間去到大澳碼頭嗰邊就做個Opening咁囉。」我笑着說。
「咁你又有咩講呀？」她說。
「冇呀…我覺得隻船好嘈其實。」她冷笑地看着我說。
「估唔到你講呢啲…」她說。
「冇呀，想搵啲嘢講下咁，冇咁尷呀嘛。」我尷尬說。
「咁馬奇先生，請你開個話題！」她搞笑地說「頂！呢啲應該要拍底啦，咁好笑！你係咪YouTuber嚟㗎！拎部相機嚟我做Camman！」


「好呀嚟囉」我一念不怕的表情地說。
「你好，我係馬奇 今日嚟個如何應對尷談的十種方法！」我說「頂！唔得尷到識飛。唔拍呀，相機冇位啦！」
「吓？YouTube咁拍㗎」她問號地問我。
「梗係啦，唔係點呀？拍片最緊要係夠直接，有咩講咩先好。」在拍片的角度是這樣認為。
「咁我哋搵啲嘢傾下囉，反正距離大澳仲有半個鐘路程。」她說。
「Emmm」
「咁你平時聽開啲咩歌呀？你鍾意做啲咩㗎？追開啲咩明星或者KOL呀？」我推了一堆話題給她。
「追做星KOL又有得講喎。」她說「YouTuber嘅，除咗你就追下啲劇情類嘅Channel囉。」 
「哦！」
於是乎我們又話題開端講到話題終結，剛好船隻到站。


我更想不到竟然可以一個話題接一個話題一路說下去，更加傾到我口都乾，真的需要立即找一間便利店去買水。
到達碼頭後，就真正開始拍攝。
「大家好！我係馬奇，今日正啦，就嚟拍呢個菲林相機第二集！但係真係咁簡單你大澳拍過菲林相機就算咩？今日呀，有女仔，就係…」
「哈囉！我係阿浠，我影相好靚，馬奇係我徒弟嚟㗎」
「嘩！？你咁都講得出？」
「所以今日就有攝影大師同我哋一齊影啦！」
我們做完了Opening後，去了附近一間舊式士多買嘢飲，都開始「咔 咔 咔」每張菲林拍下來。
「喂喂喂，不如你試下幫我影幾張呀！」阿浠說。
她便擺了一個pose，剛剛好有一些微風吹一吹過，我更感受到拍下來的畫面會非常漂亮。
「個人認為今次呢張必定影得睇最靚，啱啱有少少微風吹過，呢啲畫面正呀。」我擺了一個手指公手勢出來，更加讚嘆她「同埋真係你識擺pose個喎你。」
「梗係啦我咁靚！」有自信地說。
我在鏡頭前擺了一個黑人問號的姿勢？
我們都陸陸續續都把菲林清光，將每一格菲林都拍攝完成。
「話咁快已經將所有菲林清光晒啦，遲啲就拎去晒相，再俾大家睇！」我望向阿浠說。
「嘩，其實拍片真係小攰，因為真係要講好鬼多嘢。」她伸懶腰地說。「同埋仲要夏天怕熱死！」


「係呀，冇錯我哋應該冬天你下次。」我說。

待續。。。哈🫥