-第五節 深度對話?
 「不如我哋去餐廳食下野呀!」她說「有啲熱同有啲肚餓。」
 「好呀!我請你食飯囉!」我說「咁好同我拍片!」
 「嘩 咁好人得唔得㗎!」阿浠驚嘆地說。
 我們都到了餐廳後,她下單了一個焗芝士通粉,而我就下單蕃茄通粉!我本人是真的十分喜歡吃通粉,所以通粉加什麼配料,都是一種天堂美食!
 「話說呢,之前我同渡海一齊傾話參加中學生微電影大賽。」我認真說「你有冇興趣做下女主角,一齊玩下咁。」
 「你哋拍咩題材先?同埋幾時提交作品?」她吃着通粉說。
 「我諗好咗,想拍愛情囉。雖然common啲,但我都可以諗勁佢!」我說「仲有係喺十月提交。」
 「好呀好呀!」她激動地說「我想拍下,我要做女主角!」
 「洗唔洗咁激動呀!」我無奈地說「搵你囉。」


 我們吃完下午茶之後,都繼續留在大澳周圍行。因為本人都帶了數碼相機亦可以影下環境。
 「馬奇呀,點解你突然會想玩微電影嘅。」她好問我。
 「冇㗎,想試多啲唔同嘅嘢。再加上因為自己有寫開故事,想挑戰下自己咁囉」我答。
 「下!?你係作家嚟㗎?又睇唔出喎。」她說。
 「順便可以發揮下想像力,想寫低自己一個幻想出嚟嘅世界。就好似一個平行時空咁,想寫一個可能唔存在嘅世界!」我答。
 「估唔到你咁有內涵喎,幾型呀。」她好像心動地說。「咁有冇得睇下先。」
 「有,今晚返到去我send俾你呀。」 
我們一邊行一邊傾,突然看見前方有幾隻貓仔圍在一起。
 「嘩!有貓呀呀呀呀!!」她大叫,差點都把我嚇死了!?
 「痴線!突然大叫嚇死人!嚇唔到我都嚇親啲貓…」


 「好彩我都有帶相機。」她「咔查 咔查」地一張一張拍下。
 「話說馬奇呀。有冇聽過一個關於貓傳說呀,聽講貓可以穿越唔同宇宙,喺主人唔發覺時,趁機遊歷宇宙!聽講佢哋有貓總部!」阿浠說。
 「嘩。咁科幻嘅,喺邊度睇㗎?」我好奇又想知地問。
 「好似係喺一本叫『貓の傳說』嘅書睇返嚟。」她有很多知識地說「平時都睇好多科幻書㗎。」
 「嘩,真係又睇唔出喎,以為你淨係識得影相添。」我取笑她地說。
 「真係衰,突然係度笑人。」她一面無奈的表情。
 一路走一路走,我們去到了大澳文物酒店對出的石壆位置。 
 「不如我哋喺度坐陣啦,都行咗咁多路,有啲攰。」她感到疲倦地說。
 於是我們坐下了石頭上,便開始一邊休息一邊繼續傾偈。
 「我想問呢…其實你…認為愛情咩呀?」阿浠突然問起。


 「嘩。咁複雜呀。」我一頭霧水地說。
 我認真回答說「又會突然間咁問嘅。我認為…認為愛呀,有科學家會認為愛係可能用一條物理公式,雙方產生嘅化學作用同…人與人之間心理學嘅因果關係。但我就唔係咁認為。愛係一種緣份,愛係一種就算相隔光年都可以感受到對方存在嘅超神奇自然現象!我會認為呢一種係未發現到嘅魔法。」
 「又真係估唔到你會有呢種想法喎,真係好了解愛咁喎。」她驚嘆地說。
 「都唔係嘅,只不過係我觀察落嚟嘅感覺姐,加上自己拍過一次拖…囉。」我回答。
 「你好似經歷過好多愛情?」
 「Nonono」我說「一次咋 。」
 「二咦,好似有秘密。」她帶着邪惡的笑容說。
 「哎呀!做咩突然問埋晒呢啲問題啫?」我中斷話題地說。
 「冇呀,純粹想激活下你腦袋諗吓啲愛情題材姐。」她企起身地說「唔攰啦,可以繼續周圍行啦,唔坐了」
 「好突然喎。」
「不如我哋返去曬相啦,都已經四點落。」她伸懶腰地說。
 「我哋返去囉,我都攰啦!」我說「咁個微電影你就應承咗我啦喎,我就搵你㗎啦。」
 「得啦~我唔會放你飛機㗎!」

待續。。。哈🫥
已有 0 人追稿