《藍藍》〈科幻/奇幻〉: 第三章 起居室Cube的秘密
第三章 起居室Cube的秘密
第二日, 又係差唔多時間左右, 爸爸唔响度, 所有人都瞓曬嘅時候, 藍藍同樣都聽到上面傳來小提琴嘅聲音 🎻🎶。
佢被琴日嗰啲浮喺空中、似係液態物體嘅「幽浮」嚇親 🥶。但係諗深一層, 其實「露台」上面有玻璃罩罩住, 應該唔會入到來。為咗可以再聽蟹蟹🦀嘅表演, 所以佢決定再上多次去。
同琴日一樣, 佢都係從牆梯爬上去, 今日爬得熟練好多, 好快佢就爬到上頂了。 到咗頂部就摸一下「黑色鏡子」, 天花板自動打開, 藍藍爬上「露台」去了。
上到去露台, 果然見到蟹蟹用同一姿勢正响度拉住小提琴。藍藍同琴日一樣, 伏係窗台邊細心欣賞佢嘅演出 👍。
蟹蟹表演完後, 心裏面唸住琴日對面嗰個女仔會唔會又嚟咗呢…, 於是佢轉個頭, 佢願望實現咗, 真係見返嗰個女仔伏响窗台。佢哋兩個隔住玻璃罩互相對望… 😳😳
聽完蟹蟹表演後, 藍藍企起身拍晒手掌, 一邊豪不掩飾咁高呼大叫：「好好聽呀~ 靚仔~ 你好型呀~ 😍」。蟹蟹聽到個女仔叫佢「靚仔」, 即時紅都面埋…但… 佢細心諗深一層, 大家都被玻璃罩隔絕了, 點解會聽到對面嘅聲音, 佢大叫回應：「喂~ 小姐~ 你聽唔聽到我講嘢呀~！ 🤔」
藍藍聽到對面講嘢, 即時醒起來, 亦覺得超尷尬 😶, 尷尷尬尬咁就話：「係喎😅, 我哋大家都隔住個玻璃罩, 無理由聽到對面嘅聲音！btw, 你好呀~ 我叫藍藍♡！你拉小提琴拉得好好聽呀！我以前有學過鋼琴, 但係我覺得好難, 所以…我放棄咗嚕, 嘿嘿！係呢, 你叫咩名呀 😀？」
「我叫蟹仔🦀呀~ 多多指教！係呢, 以前未見過你嘅, 你係新搬嚟㗎？」
藍藍就話：「你個名咁得意嘅~, 哈哈哈！以前爸爸成日都困住我唔畀我出嚟, 但係我依家大個女了, 所以可以畀多啲自由掛！我, 而我聽到音樂聲, 所以就爬上嚟露台了😊😊」
就係咁, 佢哋兩個傾咗好多嘢, 原來蟹仔有一個媽媽, 係做空姐, 由於成日都要出差, 一出差就三四日屋企都冇人, 只剩低佢自己一個人, 自己照顧自己, 包括自己煮食。佢平時生活覺得好苦悶, 所以佢最鍾意就係到呢個露台, 起碼露台可以見到外面懸掛空中嘅紅、藍、綠嘅水管在不停閃動, 亦因為呢度感覺好廣闊好舒服, 而且仲可以睇到出面閃閃星空嘅世界 🌌🌠, 覺得好chill。
蟹仔續話：「如果我媽媽飛長途機嘅話都會帶埋我去, 我最遠一次就係去過一個叫 "Moon" 嘅地方。媽媽唔係成日都有機會去Moon 嗰度出trip, 以我嘅理解, 佢應該有特別任務先會有機會去的 🤔…」
藍藍對佢嘅見識感到好有興趣就回話：「你好犀利呀, 我自我識嘢以來, 我淨係知道我只有自己嘅磨菇小屋企, 同埋一個正方立體cube空間, 啱啱先知道有呢個玻璃罩露台… 我覺得你好叻呀, 哈哈！以後我都會多啲上嚟, 聽你拉小提琴, 聽你講你對外面嘅見識 😊。」
蟹仔都好高興話：「我都好開心呀, 識到你呢位知音, 以後彈更多好聽嘅樂曲畀你聽啦 😊！」
自始, 藍藍同蟹仔約定咗, 每一日都係喺呢個夜空下相見 🌌。
藍藍say goodbye後, 就由牆梯爬返落嚟。佢落到地面時就見到 Lice哥哥, 原來佢一直坐咗喺樓梯底等佢…
Lice哥哥說：「終於等到你落嚟, 知唔知擔心死我呀… 你上到露台見到咩嘢呀 🙄？」
藍藍兩隻食指點一點小酒粒, 微微笑住說：「我遇到佢, 佢好好人… 🤭」
Lice說：「你冇見到嗰隻好大好大隻嘅「幽浮」咩？我對上一次見到佢, 已經係好耐好耐之前嘅事！果陣時我都仲後生, 我都好中意爬上露台玩。有一次, 見到黑漆漆嘅空中, 突然我睇到啲唔尋常嘅物體… 佢… 似水流又似啫喱, 透明的, 郁動下不斷變出不規則形狀, 我一路望住佢, 佢最終成塊搭住咗成塊玻璃罩, 佢似乎好似見到我, 想食我咁 🥶… 自始, 我就唔敢再上去啦…」
藍藍說：「我前一天上去都見到, 應該同你形容果隻係同一樣嘢, 我見到都係覺得佢好可怕 🥶！」藍藍一邊心諗：「哎… 蟹仔見識多, 我下次問下蟹仔知唔知係咩嚟先！」
藍藍續說：「係呢, 唔見Coco姐嘅 🤔？得你一個？」
Lice說：「佢今日唔舒服呀, 瞓咗全日都冇出過嚟, 我睇見佢應該都係老毛病啦, 唔知點解佢pat pat間唔中都會出血 🩸… 不過, 通常過幾日就會好返㗎啦, 所以你唔使太擔心。」
藍藍說：「我唔係擔心佢啦, 我見你咁聽佢話, 我擔心你嚟搵我會被佢鬧炸, 哈哈 😏！」
Lice辯解說：「冇咁嘅樹~, 我嘅事點到佢管 😤, 佢係我帶大, 無論佢依家長大咗都好, 响我眼中佢只係小妹妹, 佢好多時以為自己好醒, 其實正傻妹, 有一次呀, 爸爸帶我哋去酒店玩呀, 佢呀……」
藍藍說：「你哋感情的確好好啊！我都好想尊重佢, 只係佢成日蝦我, 我見親佢都好嬲呀 😤😤！」
Lice說：「當畀個面我啦, 唔好同佢鬥, 大家始終都係一家人, 何況爸爸而家最錫係你, 你根本已經贏晒, 佢唔開心就因為覺得你搶走爸爸炸 😌！」
藍藍說：「好啦, 見係你, 你對我咁好, 我畀面你唔同佢鬥, OK~！😉」
之後藍藍又問起這個正方立體 cube形嘅起居室嘅事, Lice哥哥就以佢所知同埋佢所理解的, 都一一講畀藍藍聽。
Lice說：「你上次見到我哋個起居室嗰啲投影影像, 以我觀察所知, 嗰啲係光, 從四方八面嘅牆身就射出嚟。當啲光縱橫交錯, 有強有弱, 有不同的顏色, 就形成咗一啲假象出現喺我哋嘅眼前, 再加上坐喺爸爸張梳化上面睇, 梳化上面應該發出聲音、味道同埋其他感覺, 就可以感受到環迴立體的五感。爸爸曾經同我講過呢個叫做「den see」！我估計, 呢個 den see 係用嚟…幫佢五感做運動掛🤔, 我都係亂估㗎咋😅😅😅」
藍藍就懷疑似係有其他用途…
Lice說：「仲有呀, 你唔好以為呢個cube嘅起居室就係呢度嘅一切。如果你細心啲搵下, 你會搵到呢個cube其實有好多細細粒嘅「黑色鏡子」, 全部都係開門嘅暗制。以我所知, 左邊嗰個牆門就係去整嘢食嘅房, 爸爸次次都係喺嗰度攞嘢食出嚟, 另外三幅牆雖然都有「黑色鏡子」, 但係我同Coco都開唔到。 仲有呀, 梳化後面嘅地板上都係有一道門, 應該落去地下室, 都係開唔到嘅。我哋估計, 其中一個房應該都係爸爸用嚟瞓覺或者沖涼之類, 又或者通往佢嘅旅遊樂場囉🤔🤔🤔。」
藍藍聽到Lice哥哥所講的無一感到不好奇。自己除咗能夠發掘到露台嘅奧秘, 亦都好想知道其他房係有啲乜嘢。以後, 藍藍都千方百計想去其他嘅秘密地方探秘。
今日, 藍藍覺得好開心, 佢有個咁nice嘅哥哥, 亦都認識到鄰居蟹仔🦀。今日所發生嘅事令佢甜入心 🥰, 好快得到一個好夢!!
待續~