見面幾秒鐘: Day2

Day2

「鈴鈴」

「早晨，咦 你係琴日…」

「Hi，咪就係比你整掉杯咖啡果個可憐人lor。唉，又要整掉人哋杯野又要唔記得人。」

「唔係啊，我記得啊。琴日真係唔好意思，你今日又會咁早嘅 依家先8點幾。」





「訓得唔係幾好咪，早d黎飲杯咖啡lor。其他人呢，做咩得你一個係度掃地嘅？」

「唔係ar ，仲有個同事係入面訓緊，佢好似都唔夠訓，我咪係度看住舖先。佢話一有客人就叫醒佢，我依家去嗌佢。」

「喂喂，唔好嗌醒Shirley 啦。一陣小心佢發脾氣，佢最憎人哋嘈住佢訓覺。」

「哈哈，乜d女人咁麻煩嘅。你又會識佢嘅，你個frd黎架。」

「我黎呢度仲多過你啦，其他人我都好熟架。咁啦，當補償琴日單野，你請我飲杯野啦。」





「吓，小姐，我第一日返工咋，一陣比Jason知道我亂咁掂部機咁點算。」

「唔緊要啦，佢又唔係度。嗱，你唔請我，我就同Jason講，你琴日激嬲咗個熟客，仲要唔肯賠罪，哼！」

「唉，得啦得啦，講明先呀，我唔識整咖啡架，我整咩出黎，比下面都飲一淡。」

費時搞大件事，我唯有死死氣走去咖啡機到嘗試（玩）下部野。她完全冇諗住坐底，一直咁望住我論論盡盡咁整咖啡，好似好開心咁，完全睇唔出似係失眠嘅人。好似越嚟越開心咁。

「嗱，整好啦，我冇落奶，你..你當黑咖啡啦」





「哈哈，乜鬼野黎架。我未見過有Americano 咁樣架喎。」

「你試下先啦，可能好好飲啦。」

「得啦，咁我試下杯（黑仔）先。咕嚕咕嚕…」

「咩黑仔啊，嘩嘩，你又唔洗飲曬佢。」

她唔旦只幫我杯野改咗名，仲一口氣飲曬佢。

「呼～哈哈，好苦，哈哈。」

「都話唔洗飲曬佢，一睇知杯野唔掂啦，你…」

呢個時候，Shirley 係店員房出返黎。





「哈呼～啛？Amber咁早嘅你？喂，你做咩掂部機，Jason話咗你淨係做其他野架喎。」

「Hello，頭先訓唔著咪落黎坐下lor 。」

「唔係啊，Shirley姐 ，頭先佢，喂喂，你咁就走啦。」

「哈呼～ 飲完杯野就好眼瞓，都唔知係咪咖啡黎，嘻嘻，下次見啦 呀…」