見面幾秒鐘: Day3
Day3
「好眼訓ar… 」
「冇計啦,Shirley 姐,今日得我哋兩個 係辛苦少少架啦」
「屌你啦,我整咖啡就整到踢晒腳,你淨係係度執頭執尾」
一黎我哋間cafe比盡都唔會有好多客,二黎Shirley除咗沖咖啡,其他野都係我做。
「係嘅係嘅,辛苦晒你,仲有半個鐘就收工啦」
「唉,我唔撚理,睇個款都唔會再有人黎,我就走先,之後交比你啦」
Shirley 拍一拍我膊頭就行咗入去員工室換衫
我都慣咗次次收舖得我一個,唯有好地地慢慢等時間過,返到屋企都係得自己一個。
大概過咗10分鐘,舖頭嘅大門竟然打開咗。
「啊~~ 唔該! 頭期比杯野我」
身為我哋舖頭嘅常客,全日都冇蒲頭,我都覺寄怪,估唔到臨收工佢先出現。
「呀Amber,一杯大水啱啱啱?」
「咩事呀,比杯水我?起碼整杯wonderland 黎啦」
「大佬呀,仲有十零分鐘我就收工,想洗少隻杯都唔得。同埋,要cocktail 唔該搭多幾蚊去中環」
「我先唔制呀,個到又吵,又多人係度煩我,總之求其比杯野我啦,除咗咖啡同水」
大大話話呢到係cafe ,咁嘅要求,如果唔係熟客加上靚女,都好難搞。
「唉,怕咗你,我過對面7仔求其買d野,你幫我睇住間舖」
「得啦,呢個時間唔會有人黎,寫咗成日essay同開咗成日會,好攰呀!」
我係員工室到攞返個銀包就係7仔求其買咗支vodka同lemonade。
「我唔識溝酒架,我都係是旦買黎飲」
「得啦,你之前杯咖啡我都飲得落啦」
仲好講,呢個女人真係好難搞。