有一晚，我打飛機打到條jer斷左: （12）

半個鐘後喺觀塘落車，車站附近有個商場，我行入去睇下有咩食。

經過一間珍珠奶茶鋪，見到琴日嗰條大波妹喺度沖奶茶。

遇到佢就啱啦，我正想問佢究竟做過啲咩嚟，搞到我碌鳩會去左和合石。

「點解你會喺度架？唔通你又跟蹤我？」對方一見我行埋嚟就問。

「唔好誤會，我只係咁啱經過見到你喺度，咁咪埋嚟買杯珍珠奶茶，順便有啲嘢要問你。」





「琴晚我咪講得好清楚，我唔知你條蕉去左邊，亦都無收埋到。」

大庭廣眾下，用字唔適宜講得太露骨，因此對方就用「蕉」嚟代替我嘅生殖器官。

「我知你無收埋，因為今日我喺和合石搵返條蕉。」

「拿，都話左架啦，話左唔關我事。」佢一邊沖奶茶一邊講。

「問題係好地地一條蕉，因乜解究會喺你嗰度轉移去左墳場？或多或少，點都同你有啲關係。」





「你唔好噏得就噏啦，根本就唔關我事。」

「但直覺話我聽，你一定有嘢瞞住我。」

對方無理我，快快手搞掂杯奶茶就遞俾我：「你要嘅珍珠奶茶，承惠18蚊。」

我um完荷包俾錢，想再問多兩句，但排喺身後嘅師奶催趕：「買完就走啦，咪喺度阻頭阻勢！」

後面條隊好長，我唔好意思阻住地球轉，讓左個位出嚟跟住就走人。





臨走前，我睄到條女心口左邊，掛住個細細嘅name tag。

原來佢個名叫Cathy Tse。

我記住左呢個名，拎住杯奶茶，揾左間快餐店坐低醫肚。

開餐前，我再次啟動感應能力，瞄下「細佬」喺邊度同做緊咩。

飛左咁耐佢終於停落嚟，就停左喺一個掛住十字架嘅屋頂上空。

屋頂有十字架，斷估應該就係教堂，至於係邊個教堂就認唔到。

話曬香港有n咁多間教堂，加上我唔係教徒，呢啲地方好少去亦好少留意。

個肚餓到扁曬，手軟又腳軟，有咩都係留返食飽之後再算。





我一路扒飯，一路揸住電話，上Facebook、IG呢啲社交平台，輸入「Cathy Tse」呢個名，睇下揾唔揾到條女一啲資料。

我硬係覺得呢個人有啲不可告人嘅秘密。

結果揾左一陣，果然就揾到Cathy個Facebook。