有一晚，我打飛機打到條jer斷左: （13）

碌多兩碌，更俾我發現兩年前有個轉載嘅新聞po，下面有個留言tag左佢個名。

㩒入單新聞一睇，標題大大個寫住「男女交歡疑過激，陽具斷裂無影蹤」。

新聞詳細內容講，2020年有一對十八歲情侶，喺搞嘢期間男方整斷左陽具，而且事後連條「屍」都搵唔返。

記者當時影到嗰一男一女到醫院求診嘅相片。

男嘅有遮面，女嘅就露左側臉，配埋心口對大波，幾乎可以肯定就係Cathy。



而事後三日仲有一篇後續報道：本來失蹤左嘅嗰碌陽具，最後居然喺某個地下停車場搵返。

呢單新聞睇睇下有啲印象，無記錯嗰陣喺網上都惹起過唔少討論。

男事主嘅下體成碌斷開，兼且無端白事轉移左去停車場，聽落就同我條嘢轉移左去墳場一樣咁離奇。

我越嚟越肯定，Cathy呢條女有蠱惑。

咁啱得咁橋，呢個時候，Cathy捧住飯餐經過面前。



估計呢個鐘數係佢嘅食飯時間。

佢睄我一眼，我又望佢一眼，跟住佢話：「頂！又見到你，你條友真係冤魂不散！」

我一手隊部電話到佢面前：「你係咪就係呢個拗斷人地香蕉嘅少女？」

Cathy一望，露出驚訝嘅表情：「喂！有無搞錯，你竟然起我底？」

「唔好怪我八卦，我只係好奇好想知發生咩事。」



「你都幾好嘢，兩年前嘅新聞都摷到出嚟。」

「呢個年代邊有秘密架，一上網就乜都睇到曬啦，所以其實都無得瞞架啦，不如你直接開估。」

Cathy見我係都要打破沙盤問到篤，而且亦知道件事好難再瞞落去，逼於無奈下，佢只有一個選擇，就係坦白。

我地坐到去餐廳最角落嘅角落頭位，對方細細聲向我透露佢嘅秘密。