有一晚，我打飛機打到條jer斷左: （47）

其實唔單止佢，我聽完都淆曬底：「當靈結石無曬能量，咁斯比列特人嘅頭同身，仲有四肢，咪以後都駁唔返？永遠都要肉體分離咁生存？」

「唉，係都無辦法，我地以前啲祖先都係咁樣生活。」格格分離嘅兩手喺地下攤開，表示無奈。

佢居然咁都接受到，而我就唔同，我就完全接受唔到。

我無法想象當肉體四肢分離時，自己可以點生存？

行路嗰陣係咪對腳踢個頭向前，兩隻手就托住個身，碌賓周就夾喺手臂？



咁扑嘢嗰陣係咪要用手揸住條嘢隊人嗰窿？咁去廁所又要點去？

可惡！我絕對唔接受自己「支離破碎」！

「唔得！」我同楊家成同時講出呢兩個字。

「我唔可以俾我女人有事！我要保護佢，仲有佢道傳送門！」楊家成態度強悍。

睇嚟佢好擔心Cathy會因為斯比列特星嘅滅亡而牽連性命。



「我都唔可以俾舊結石收皮！我唔要『打回原形』，我唔要以後肢體分離咁生活！」我握實拳頭，語氣亦十分之堅定。

「你地想…想點？」格格俾我地嘅氣勢嚇親。

「梗係反攻返去，打敗嗰班仆街侵略者！」

呢個時候，格格個細佬醒左，帶住滿腔怒憤揚言要反擊。

「細佬，你終於醒左啦？」



「阿哥，我地唔應該做逃兵！我地身為斯比列特人，就要保護屬於自己嘅地方！」

「只但係…」

「唔好但係啦，學你細佬話齋，一於返去斯比列特星，同嗰班入侵者fight過啦，唔通你真係想自己個星球滅亡？想一世都『打回原狀』？」我嘗試激勵格格。

而格格就話：「我同我細佬，再加上你同你碌jer，加埋都係勢孤力薄，就算返到去斯比列特，我地未必做唔到啲咩。」

佢都講得有啲道理，格格同佢細佬手腳全斷，我就斷左隻手，楊家成又只係一碌賓周，無乜戰鬥力。

敵人又係唔知咩來頭嘅外星人，我地幾個加埋力量真係未必夠。

係咁嘅話，咁點算好呢？