有一晚，我打飛機打到條jer斷左: （49）

由於我一雙手仲有一隻腳都斷左，行動極之不變，因此，唯有托Kevin車我地包括格格同佢細佬，快速去一轉和合石。

楊佳成喺和合石住左幾年，識左好多猛鬼朋友。

而喺路途之中，我最後一隻腳都斷埋出嚟。

到左之後，要Kevin以一己之力抱住我個頭同身，再拖住個塞爆嘅篋行上山。

墳場陰風陣陣，四周佈滿墓碑。



楊家成嘟起馬眼，吹一聲口哨：「各位！我返嚟啦！」

「呼呼—」突然間，陰風猛烈狂吹，吹到背脊起曬雞皮。

「呢啲就係你嘅朋友？」Kevin望一望四周圍。

「係呀，佢地同我一樣，都係死得好慘。」

「你地講咩呀，咩朋友呀？我乜都見唔到嘅？」我左望右望，都唔見楊家成口中嘅「朋友」。



「係咁就幫你開左法眼啦。」抱住我嘅Kevin，用兩指點一點我嘅額頭。

當我再眨眼嘅時候，眼前就出現一班死狀可怕嘅鬼魂。

而且一睇就知好鬼猛，如果唔係對腳斷左郁唔到，我一定會驚到即刻走夾唔抖。

「Kevin，你嚟探我地呀？」一個面色慘白、全身濕笠笠嘅女鬼問。

「係呀，因為有啲事想你地幫忙。」



「有咩事即管講嚟聽下？」另一個全身燒焦嘅男鬼回應。

「你地睇下就明架啦。」

楊家成拜託Kevin將篋入面嘅格格同佢細佬，仲有啲手手腳腳搬出嚟。

「咦，乜你想我地幫手棄屍？」一個頭上插住西瓜刀嘅男人問。

「唔係，我想你地上身，上呢啲斷手斷腳嘅身。」

呢個時候我先恍然大悟：哦！原來如此，楊家成呢一招都幾有諗頭。

嗰班鬼魂則百思不得其解，問楊家成點樣要咁做。

楊家成就將斯比列特人以及Cathy受牽連嘅事，全部講解一次。



「…求下你地盡下人事幫幫手，Cathy係我心愛嘅女人，我真係唔想佢有事！」楊家成苦苦哀求。

「OK！無問題！楊楊你開口叫到，我地一定幫手！」嗰個全身燒焦嘅男人拍拍心口。

「生前出國就試過，去外星就未試過，今次實幫你！」女水鬼附和。

另外其他嘅鬼魂亦一呼百應，表示唔介意幫呢一個忙。

「多謝你地！你地真係我最好嘅朋友！」

楊家成彎jer鞠躬致謝，然後擰轉面問Kevin：「既然我都上到條jer嘅身，照計佢地都上到啲手手腳腳嘅身？」

「係，應該無問題。」Kevin回答。



我就擔心：「但佢地上完身，會唔會一個唔該就飛走左去架？」

「放心，佢地全部都係我嘅好朋友，一定唔會出蠱惑。」

既然楊家成咁相信佢嘅朋友，咁我選擇都信佢地一次。