有一晚，我打飛機打到條jer斷左: （52）

我個頭撞到暈陀陀，滿眼都係星星，兼且feel到身體同四肢都赤赤痛。

「我地到啦！」格格重新返到駕駛座位。

望出太空船嘅窗外，我睇見一片橙色無雲嘅天空。

兩隻手托住我個頭，再望落去地面，係一片殘肢遍佈嘅景象。

我知道佢地唔係俾人殘忍肢解，而只係打回原狀。



據格格所述，斯比列特星相等於係一個細200倍嘅地球，同樣係有空氣同水。

而地形則以山脈為主，好多建築物都係依山而建。整體建築風格有啲似瑞士嗰種歐洲小屋。

不過受到侵略者嘅破壞，好多已變得蓉蓉爛爛。

嘟大嘟大！忽然間，太空船響起警報聲。

「弊傢伙！隻船無曬燃料，我地依家要準備緊急降落！」



格格一講完，架太空船就好似過山車咁突然急墜。

嚇到全機嘅人同鬼都嘩嘩聲，大嗌出聲。

好在格格夠冷靜，喺佢嘅指揮同控制下，太空船快速而緊急降落喺一個山谷度。

心神稍微定返落嚟後，我地嘅頭同身同手腳分批慢慢行出太空船。

同時之間，有十幾個紙板卡通公仔向住我地圍埋嚟。



「呢啲咩嚟架？」楊家成問格格。

「佢地咪就係侵略我地星球嘅外星人。」

我同楊家成打左個突，不約而同咁問：「佢地就係侵略者？」

「無錯！就係佢地！」格格嘅細佬咬牙切齒咁望住班紙板人公仔。

「佢地點睇都只係平面卡通公仔嚟架渣喎。」

我之所以咁講，係因為呢班外星人的確係得紙板咁嘅身形，而外形就古靈精怪兼好有卡通feel。

家陣圍住我地嘅就有，帶住拳套嘅卡通狗、條尾尖利嘅卡通老鼠，仲有條脷帶刺嘅卡通鴨。

格格則提醒我同楊家成：「你地唔好睇少佢地，當呢班外星人吸收左靈結石嘅力量，就會變身化成立體。」



「不過呢十幾隻平面怪睇嚟唔難對付，我一個人出手應該搞得掂。」格格個細佬主動迎戰。

佢上半身都唔洗出手，下半身兩隻腳旋轉凌空飛踢，腳下生刀，輕鬆劈爆一排紙板卡通狗同老鼠。

而條jer就拉長變繩，直接綁實班卡通鴨，再將佢地拋走。

佢對腳喺俾兩個死於西瓜刀下嘅鬼魂附身，因此腳板底可以出刀。

另外條jer就係俾吊頸死嘅鬼魂上身，因此變到條繩都好合理。

輕鬆解決左十幾隻平板公仔後，我地就慢慢進入山谷。

靈結石同埋敵人就係山谷嘅深處。



一路上，我地都見到唔少支離破碎嘅斯比列特人，佢地除左打回原形外，身上都有唔少傷痕。

我地未行到入深谷，離遠就已經見到嗰舊靈結石。

舊石嘅外形似一粒巨大嘅紫水晶，就供奉喺一個懸浮喺高空嘅花槽。

班紙板外星人騎膊馬，排住隊輪住擒上去花槽，吸收靈結石嘅力量，慢慢由2D變成3D，跟住就喺上面跳返落嚟。

當佢地變成3D之後，能力值大幅上升，將一大班斯比列特人打到落花流水，一仆一碌。

講真，啲手手腳腳都分開曬，連行路都成問題，試問好打都無可能對付到敵人。

然而就算能力有限，但都有一班頑強嘅斯比列特人團結反抗。

佢地用分離嘅手腳、身體同賓周以卵擊石，奮身一擊。



我地嚟到見佢地不顧一切戰鬥嘅場面，都覺得好熱血。

「水炮攻擊！」格格都廢話少講，直接就指示出招。

佢兩隻斷手射出超強勁水柱，射冧嗰班騎緊膊馬嘅紙板外星人。

此舉立即驚動左其他外星人，佢地嘅目光全都轉移到我地身上。

一個頭戴皇冠嘅卡通貓拎住權杖，喺外星人堆中行出嚟，嘰哩咕嚕用佢嘅外星語言發號施令。

深谷內嗰百幾二百隻嘅外星人收到order，立即群起攻擊我地。

戰鬥就此一觸即發。