有一晚，我打飛機打到條jer斷左: （53）

我方有三個人加十八隻鬼（唔計人頭，每個人分別有兩隻斷手、兩隻斷腳，以及一個身軀同一碌賓周，總數加埋就係十八。）。

人數上係就係不及敵方，但打起上嚟一啲都唔輸蝕。

每隻鬼都自己嘅招數，分別有噴火、飛刀、射水炮、冰封急凍、吊頸麻繩、以及有如撞車一樣嘅超級撞擊力。

而每隻手腳喺班鬼嘅附身下，可以獨立咁隨意移動，繼而衍生出好多唔同嘅攻擊組合。

例如兩隻識發出高溫烈焰嘅手，加隻一腳踢到人結冰嘅寒冰腳，結合成冰火兩重天，給予對手重擊。



又例如兩個無手無腳無頭嘅身軀，俾撞車死嘅鬼魂上左身，合力一嘢夾到啲外星人由立體變返做平板。

再例如可以變成麻繩嘅賓周，將啲外星人綁實，等其他鬼出刀攻擊。

由於啲外星人都係卡通樣，所以戰鬥場面激烈得嚟又有啲滑稽。

見到啲卡通狗俾燒親籮柚、啲馬騮俾凍到結冰，仲有啲卡通雀俾刀削曬啲羽毛，認真覺得有啲好笑。

另外，仲有其他嘅斯比列特人，本來佢地喺我地嚟到之前，俾人打到一仆一碌，家陣就一齊反擊，專門對付嗰啲未變成立體嘅外星紙板卡通。



呢班斯比列特人同我地唔同，佢地啲手腳斷開曬，而又無俾鬼上身，因而無法靈活咁獨自郁動，只有喺地下躝下躝下咁。

佢地啲手會喺地下捉住敵人隻腳，再慢慢咁爬上去，跟住揸又好打又好，啲腳就打橫攤喺地上𨅝下𨅝下，嘗試踢跌敵人。

總之呢一刻，喺深谷之中，無論係外星人還是斯比列人都努力戰鬥。

除左我。

我嘅身體都俾幾隻猛鬼上身，佢地好似楊家成咁有自主意識，識得自己出招同閃避，唔需要我指揮，亦唔輪到我佢控制。



實際上，依家嘅「我」就得返一個人頭。

一個難以自己郁動嘅人頭。

格格同佢細佬其實都係得一個人頭。揸太空船嗰陣，格格都會教啲鬼點操控，家陣遇到大混戰，基本上都係俾班鬼自由發揮，由得佢地鐘意點出招就點出招。

然而佢兩兄弟並無因為得返一個人頭，而無法參與對戰。

原因係佢地會指示兩隻手，叫佢地當自己個頭係鐵球，一嘢飛埋去，用個頭硬撼敵人。

我自問就無佢地咁搏命用個頭撼人。

至於楊家成都係得一碌鳩，無任何招式，不過佢會從旁指揮，又可以飛嚟飛去，分散對手注意力。

計嚟計去就得我呢一個人頭，「long」左喺旁邊一舊石上面，眼甘甘望住雙方互毆。