有一晚，我打飛機打到條jer斷左: （54）

（身為故事嘅男主角，我無理由乜都唔做架？）

「打得好！加油！大力啲毆佢！」

我做到嘅大概就只有從旁吶喊助威：「係咁啦！咁打就啱啦！」

喺我嘅加油助威下（呢個credit俾得有啲夾硬），我方勢如破竹，打到班外星人連連後退。

佢地個boss，亦即係嗰隻頭戴皇冠、手握權杖嘅卡通貓，眼見勢色唔對路，即刻出動到絕招——大風吹。



當你喺街跌左幾張一百蚊紙，最驚係咩？

最驚就係梗係突然颳大風，吹走曬啲銀紙。

當你手手腳腳斷開曬，最驚嘅同樣都係颳大風。

因為一吹就吹散到去四面八方，要揾都有排揾。

班外星人知道boss要出招，於是即刻迴避，同時隻卡通貓偷偷地揾人抬左三部巨型風扇出嚟。



「唉！又係呢招！」格格大驚，並叫各位快啲閃開。

可惜嚟唔切，三把風扇已經啟動，「縫縫縫」咁捲起超強狂風。

風力嘅強度估計連貨車吹到上天，更唔講好一堆斷頭斷肢斷身。

強勁嘅暴風將我、格格同佢細佬，以及其他斯比列特人嘅手腳、身軀、陽具統統吹到上天，不由自主咁飛散到東南西北。

我唔知自己啲手腳飛左去邊，淨係知個頭飛到好遠。



拋物嘅弧線由最高點，慢慢向住一間歐式小屋嘅屋企下墜。

無睇錯嘅話，屋頂上都有一個分離嘅女仔人頭。

隨即「咚」一聲，我個頭跌到落一間屋仔嘅屋頂，然後不自控咁向前碌。

碌到我眼前一片天旋地轉，碌左大約兩個手位嘅距離，正好碌到嗰個女仔人頭嘅面前。

個女仔係正面面對住我，當我個頭由倒轉碌返上正面，咁啱就面對面，嘴對嘴咁錫左落去。

呢一錫就係我嘅初吻。

我嘅第一次插入俾左Cathy，而初吻居然俾左一個唔知叫咩名、個樣都未睇得清，兼只係得一個人頭嘅女仔。

我feel到耳仔同塊面，仲有條頸都好熱，對方個唇卻好似棉花糖咁軟，錫落去好舒服。



以前睇小說睇戲，最憎就係嗰啲老撚土嘅情節，一男一女唔知點解會無啦啦會kiss。

估唔到嘅係，呢啲咁嘅情節最後會發生喺我嘅身上。

不過我同呢個女仔嘅錫有啲唔同。

我地係兩個斷開嘅人頭錫埋一齊，而且錫左之後，個頭好難移得開。

所以喺呢刻，我同個女仔面對面、唇貼住唇，你眼望我眼，都唔知點算好？