有一晚，我打飛機打到條jer斷左: （64）

我、楊家成以及全部鬼魂釋放出嘅所有力量，慢慢積聚喺龜頭前面，形成一個耀眼奪目嘅黃色大光團。

《龍珠》有龜波氣功，我依家都有「龜頭波氣功」！

龜頭已經瞄準機械人，當積聚嘅力量達到頂峰，就係時候徹底釋放出嚟！

「啊！！！」我地全部人一齊大嗌，同時間放出超級衝擊波。

從遠處側面睇，個畫面應該就係半空中一碌賓周，釋放出一條粗身黃色嘅光線，直射刺穿巨型機械人。



「BOOM！！！」

部機械人炸到七彩，身體同手手腳腳當堂炸到爛曬，逐漸分解化成一堆廢鐵。

從呢刻爆炸嘅威力就知，嗰下衝擊波嘅威力係幾咁犀利。

嗰班以嗰隻卡通貓為首嘅外星人，統統收曬皮，雖然死唔去，但已徹底喪失戰鬥能力。

因此，我可以喺度正式宣佈，呢場斯比列特星球嘅保衛戰，就係由我方勝出！



「Yeah！贏左啦！」當勝利嘅消息傳開去，全個斯比列特星一片歡呼聲。

地上各人分離嘅肢體，都唔理係邊個打邊個，總之就係開心拍掌慶祝。

而我亦順理成章成為左呢個星球嘅大英雄！

下一步理應就係抱得美人歸，只不過喺之前仲有兩件好緊要嘅事。

第一就係我嘅靈魂要同楊家成交換返嚟。



第二，雖然外星人係打敗左，但靈結石嘅能量俾佢地吸走曬，依家要諗辦法恢復靈結石嘅力量，咁我地斯比列特星嘅人嘅手腳，先可以重新接合返。

第一嗰點，就正如Kevin所講嘅，靈魂交換符嘅效力只維持一個鐘，一個鐘後我同楊家成嘅靈魂順利交換返嚟。

至於其他被吸入碌鳩嘅鬼魂，亦都俾百變小櫻用magic咭收好。

換句說話講，我家下又變返做無郁得嘅人頭，楊家成就係一碌賓周。

當靈魂上返個人頭身，我見到嘉奈，第一句就話：「嘉奈，我得左啦！我講得出做得到，成功打敗左班外星人！」

「你好叻呀！多謝你救返我地星球，你係我地斯比列特星嘅大恩人！」嘉奈臉上終於露出喜悅嘅笑容。

同埋聽到對方讚我，感覺真係好正！

跟住嚟到第二個問題就有啲棘手，因為聽格格講，如果要靈結石恢復原狀，咁就要喺班外星人身上取回能量。



問題就係，除非班外星人肯自願傳送返啲能量去舊石度，否則就無其他辦法取出能量。

雖然我地將班外星人全部綁實曬，對方亦無曬反擊之力，但佢地卻死都唔肯嘔返啲能量出嚟。

佢地話唔想由3D人變返做2D紙板人，所以好硬頸，唔肯就範。