真人真事改篇﹕師生戀﹕《最接近的陌生距離》: 第一章之一

「各位同學，早晨。新學年，新開始⋯⋯」

2009年，9月1日，開學日。

我打咗個長長嘅喊露，呢個喊露好似瘟疫咁喺我地成班同學之間傳開咗。同學一個接一個咁放蚊，最終引起最兇狠嘅訓導主任周Sir嘅注意。

「你地咪過分啊！校長講緊嘢呀。」周sir:「再放蚊就同我出去跑圈！」

佢隻眼瞪到鬼死咁大，想食咗我地落肚咁。大佬呀，呢個新校長都唔知係咪和尚寺黎，一開口就係唸經咁悶⋯⋯不過！諗諗下都合理，我的確讀緊一間和尚廟，即係男校。難怪校長講嘢真係唸經咁悶！





「祝各位同學新學年學業進步！接住落黎，我地會介紹全體教職員⋯⋯」

年年都係咁架啦，未又係嗰啲同一間中學教咗成世書嘅老師囉！全校都識架喇！呢間學校啲老師一來大部分都係阿Sir, 平均年紀都係三十歲起跳。Miss來講情況更嚴重，惟一一位後生啲嘅Miss都係三十歲起標！其他唔係老就醜⋯⋯

唉，大家都應該聽得出我呻緊啲咩。喺和尚寺讀書好撚悶架！第一，成班麻甩仔日對夜對，玩嘅嘢唔係打波就打機。第二，中學生十幾歲最關心梗係媾女啦！我地不知幾羨慕啲男女校嘅同學可以拍下拖。我地長期困住喺同性圈子入面，真係喺吽到「中途轉基」添呀。

由於身邊冇女同學，我地對女性嘅認知就只可以由一眾人到中年嘅Miss身上認識⋯⋯結果慢慢令我地對女性失去興趣。聽講中七嗰層啲男廁曾經出現過「四腳獸」添。

「其實今年都有個驚喜比大家嘅，我地學校請咗兩位新老師同三位新嘅教學助理，首先同大家介紹嘅係任教電腦同生物嘅黎銘賢老師！」





禮堂又響起掌聲。

跟住我見到一位身材高大，氣質傻戇嘅男人行到台中間。嘩——睇佢副眼鏡就知佢連紀律部隊都唔洗考。

「我對呢間學校冇任何期望。」我同身邊嘅老友阿偉講。

「呢間和尚廟呢架。」阿偉：「請靚女Miss黎做，唔驚有AV情節咩！」

「發夢請早啦！」另一位老友杰少笑住話。





「黎Sir今年第一年教書。不過佢以前其實係社工黎嘅。而且佢仲係一位好有輔導經驗嘅社工。所以黎Sir亦將會係我地新任嘅輔導主任！黎Sir 請講兩句。」校長。

「各⋯⋯各⋯⋯各位同學，早⋯⋯早晨⋯⋯！」

我眼都突埋，就同阿偉講：「嘩！佢戇鳩到咁難怪要轉行啦！」

「嚟緊佢肯定被成班男仔撚狗咁撚啦！」

我同阿偉對望一眼，就擰晒頭。

「多謝黎Sir! 接住嚟就係第二位新老師——」

都冇咩期待架啦。我同阿偉細細聲咁講不如開下盤賭下新老師係男定女，高定矮，肥定瘦⋯⋯輸咗就一枝汽水。

「——佢剛剛喺香港大學畢業，係一位好年輕嘅老師。佢將會任教中文科同埋會主要教導SEN同學。」





掌聲如潮水從後而至。

冇任何期望嘅我好hea咁做下拍手動作。雙目無神咁望住台上面。

但就喺下一秒，下一個重要嘅一秒，我被由後台嚟緊嘅人吸引咗目光。

迷人嘅黑色高踭鞋發出嘅聲響好似直接敲入在坐所有男仔嘅心靈。

黑色嘅絲襪有一種神秘而誘人嘅魅力。

剛好及膝嘅裙，將佢嘅臀部嘅美態好完美咁展現咗出嚟。

黑色嘅行政外套雖然為佢帶有嚴肅冷漠嘅氣息。但正正因為修腰嘅cutting, 更特顯出佢令人注目嘅胸部！





清澈迷人嘅大眼、鼻高嘴細、吹彈可破嘅肌膚、頭髮長度剛好及頸嘅公主頭⋯⋯一切一切，實在太⋯⋯實在太令我難以置信啦！

「Miss Wong, 交時間比你自我介紹一下。」

我發夢⋯⋯我一定係發緊夢！在坐所有同學都係咁覺得！

「各位同學早晨！」

邊有可能有一位咁嘅老師架？

「我新嚟嘅黃梓盈老師，大家可以叫我做Miss Wong。」

鞠躬，微笑。

係Miss都算，仲要係後生！靚！而且仲要係———





「我除咗任教中文科之外，我亦都係今年4A班嘅班主任。」

仲要係我班主任呀！！

Miss對住台下所有人微微一笑，呢一笑肯定已俘虜晒所有男同學包括阿Sir嘅心！

「4A班嘅同學，今年請多多指教啦！」

IG﹕ar_hong_91

#小說 #文字 #文學 #愛情 #故事 #師生戀 #講故佬#小甜