第二日,Keep住早返學校。希望朝早可以有同Miss獨處時間。但今日個天唔知搞咩,竟然落起狗屎嚟。好彩係我返到去學校先落雨咋。

我一早開定課室門,期待Miss返嚟。我企喺走廊望住雨景時,遠望校門外有個狼狽嘅身影。

嗰個身影就係Miss。啲雨大到好似水牆咁,即使Miss擔晒遮,但都阻擋唔到大雨嘅侵襲。嘩,佢一定成身濕晒啦。天氣有少少轉涼,咁搞法會冷親喎。落去接Miss睇下有咩可以幫手先!

當我一落到去雨天操場,我見到小賣部門前排咗幾個阿Sir喺度。咦?係黎Sir、張Sir同「中毒陳」喎!我聽到佢地分別要一罐熱啡、一杯熱朱同一杯熱鮮奶⋯⋯朝!真係唔洗問都知佢地係買比Miss啦!

嘩!好彩唧,我頭先真係閃過咗買熱飲比Miss嘅想法。我見到呢三條柒頭做埋啲咁嘅嘢後,我即刻打消念頭!媾女大忌,就係將自己嘅水平拉低到同啲雜兵一樣!



雖然我都係兵,但我絕對唔會好似佢地咁撚烚熟狗頭!

我偵測兵嘅能力發動緊。即刻跟住佢地下一步點做。我發現黎Sir先拔頭籌,去咗醫療室,即係話Miss喺醫療室啦!其餘兩位一路慢行一路吹水,表面上講公事,實際佢地個眼神係交戰緊。明顯係等緊黎Sir出嚟,佢地爭做第二位向Miss獻殷勤嘅人。

張Sir平時都唔點理我,冇咩仇口。係「中毒陳」好乞我憎,所以我即刻上前叫住:「陳Sir!」

「中毒陳」回望我嗰時,明顯露出憎惡嘅表情,話:「咩事呀!」

「就咁嘅⋯⋯」我望一望張Sir,打咗個「係機會啦飛雲!」嘅眼神比佢。張Sir好快get到我想點,就拿拿聲標入去醫療室。



「都係冇嘢Lu!」我對「中毒陳」做出一個惡作劇微笑。

「神神化化!」「中毒陳」唔知我陰咗佢,當佢一回頭唔見張Sir時,佢Dup晒春嘅樣真係好撚好笑!

哈哈⋯⋯佢又比我陰一鑊!你都係打飛機算啦「中毒陳」!

反正三條柒頭輪住麻煩Miss,我埋去的話Miss一定會覺得我同佢地一樣,所以係急唔嚟。其實成身濕晒嘅Miss點會只係需要熱飲咁低層次呀!好彩上年跟咗吳姑娘去露營時收埋咗唔少剩餘物資喺我Locker唧!

執咗少少「法寶」後,就起行去醫療室。當去到醫療室前時,我聽到啲風筒聲。喺我入去嗰一刻見到個畫面,簡直令我體內嘅血沸騰起嚟!唔止添啊!仲出現左「大遷徙」啊!
= = ==



ig: ar_hong_91


#小說 #文字 #文學 #愛情 #故事 #師生戀 #講故佬#小甜 #miss故 #紙言 #penana #校園 #青春 #成長 #初戀 #戀愛 #中學
已有 0 人追稿