真人真事改篇﹕師生戀﹕《最接近的陌生距離》: 第十六章之三

我抖左一個好長、好長嘅嘆氣⋯⋯原來失戀嘅感覺就係咁樣。

「Miss，對唔住。我今日對你發左好大嘅脾氣。」我知我唔會再搵到Miss，所以我想將心入面嘅難受，話比大海知。

「其實我知架。無論點都好，我都係你學生。我唔聽話，成績差，所以今日你想我改返好。我知你一直都好錫我。」

「Miss, 我見到佢之後。我覺得我根本冇辦法反擊。佢返黎搵你。佢要同你重新開始。搞到我成個人呆晒，我真係好冇用⋯⋯」

「我對住佢，我覺得自己輸得好徹底。今日我仲⋯⋯我仲對你發脾氣。你一定唔會再愛我。你會好憎我，你會唔要我。你一定會揀返佢。」





「我咩都冇，但係Miss，你就係我惟一啊。」

「我好驚呀。我搵唔到你嘅時候真係好驚呀。」

「你去到好遠，我搵你唔到，我唔知你喺邊。我好驚⋯⋯我真係好驚⋯⋯」

.
.

「Miss，我真係好驚會冇左你。」





.
.

「低B仔。」

.
.

一把溫柔嘅女聲傳入我耳仔，我未意會係咩事時。我眼前有個黑影喺我左邊攝入黎。然後我感覺到好似有人攬住左我。





.
.

「我未喺度囉，低B仔！」

.
.

原來真係有人將我攬入佢懷中。

我輕輕咁推一推，再抬頭一望之時，分散嘅影象慢慢搵到焦點、重疊。

我眼前嘅人有及頸嘅頭髮，佢將頭髮圈喺耳背。 溫柔嘅眼睛正在熱淚盈眶，呢個人係——





「Miss Wong？」

我唔敢相信，一定係幻覺。

Miss幻覺想喊但又笑住，輕輕咁摵我面龐：「做咩咁跩放學咁耐都唔返屋企呀？仲要自己一個人走黎呢度！」

我好實在嘅痛楚⋯⋯真係Miss ？

「你係咪要我記你缺點？吓？！係咪要我見你家長？吓？！你知唔知你嚇死我喇！電話又唔帶！我同黎Sir搵得你幾辛苦呀!你呢個衝動仔！」

Miss眼角流左一滴淚珠。

點解幻覺都會喊嘅？點解幻覺會咁緊張我嘅？

「Miss，對唔住。」我好平淡咁講，冇喊，冇帶多餘嘅感情，我好想將呢三日嘅感覺同眼前嘅幻覺去講。





.

.

「星期一係我錯，係我想喺朋友面前威。Miss對唔住呀，求你唔好再嬲我，冇左你我會好驚架。請你原諒我啦！」

.

.

Miss幻覺對眼變得水汪汪，鼻子都紅起上黎，突然——

——「對唔住！！」





Miss幻覺突然好激動，雙眼好似缺左堤咁，放聲咁喊，再將我好緊緊咁抱住。Miss暖暖嘅淚水將我後頸沾濕。

好實⋯⋯在？

好實在嘅感覺啊！原來唔係幻覺！佢真係Miss啊!

呢份感覺觸動到我，我難以自控咁喺佢懷中喊左出黎。

「原來你仍然牽掛緊星期一嘅事！對唔住！」Miss喊得好大聲：「而我就足足折磨左你三日！！」佢語帶憐憫。

我眼一怔，呢句話好似刺中左我心底嘅情緒氣球，令我忍唔到要大喊出黎。

「哇———！！」

「對唔住！我冇意會到你始終都係年輕人。」Miss：「你最需要關心時，我比唔到你！ 仲要傷害左你！」





「嗚——！」

我好用力咁抱住Miss, 好驚佢又走左去。好實在！好實在啊！Miss, 我搵到你喇！

「我仲要做老師身份去對待你！低B仔我冇嬲過你。我真係冇嬲過你！」Miss:「我應該一早比你知，我真係冇嬲過你！對唔住，要你受傷害！！」

「哇——！」

我抬返頭，望住Miss，話：「我搵你唔到。我去過學校，去過好多間酒吧都搵你唔到。我受嘅懲罰遠遠大過我想像！」

「你冇做錯呀——！」

「你唔見咗嗰時，我就開始抖唔到氣。」

「嗯—！」

「我見到嘅人個個都好似你咁，我分唔到咩係假，咩係現實。阿盈，你對我⋯⋯你對我⋯⋯」

「嗯—！」

「太重要！冇左你喺度世界，我冇晒安全感呀！！」

Miss抱得我更緊更緊，我地兩個喊得好大聲。

= = = = 

ig: ar_hong_91

#小說 #文字 #文學 #愛情 #故事 #師生戀 #講故佬#小甜 #miss故 #紙言 #penana #校園 #校園愛情 #青春 #成長 #初戀 #戀愛 #中學 #女教師