真人真事改篇﹕師生戀﹕《最接近的陌生距離》: 第十六章之四

「星期日我將Ex啲野pack晒落行李，就一口氣掃左出街，等佢自己黎拎。」Miss挨喺我膊頭，我地兩個十指緊扣住﹕「我仲換埋鎖。叫樓下看更唔比佢上黎。」

頭先我同Miss喊左唔知幾耐之後終於冷靜返，我地兩個望住維港景色，傾下心事，然後佢就交代埋Ex嘅事比我知。

「然後我block佢電話，佢呢幾日搵我唔到就黎學校搵我。」Miss仍然哽咽住咁講：「每次我都係跟同事車先避到佢。我估佢冇諗過我真係飛佢，所以佢想黎箍煲。」

「所以你今日⋯⋯」

「我梗係用同一個方法避啦。教你英文既Miss Lau對我好好，佢知我比Ex騷擾緊，呢個星期都係佢揸車送我走。低B仔，你睇下⋯⋯」Miss拎佢電話出黎，有一張佢同另一位女仔影嘅相。日期係今日，時間係幾個鐘前，佢話：「本來今日係我同我好姊妹慶生架。唉，蛋糕都仲未切添。」





「sorry, 係我搞到咁。」起碼我知道Vick根本冇接觸過Miss，我鬆左一口氣。

「唔關你事。」Miss錫左我一啖：「你有呢個反應係正常架。初戀對你來講係好新鮮，但亦都係難題。而且你第一個對象係我呀，一個大人呀。」

「呢個就係你所講嘅大人嘅戀愛同年青人嘅戀愛之間嘅矛盾？」

「嗯！」Miss點頭：「大人習慣將感情收埋，將情人放第二。年青人對愛情好奔放，時時刻刻都想同全世界講邊一個係你所愛嘅人。」Miss講完之後，好情深望住我。我意會到佢明白我點解咁想同阿偉佢地分享呢份初戀。

「呢個就係矛盾。亦都搞到你今日咁。」Miss親吻我面龐，話：「係決定我同你一齊時，呢啲問題係遲早要面對。仲會愈來愈多問題添。」





「你意思指⋯⋯師生戀會有好多問題？」

「嗯！其實⋯⋯」Miss停一停，好似要好小心咁講以下說話：「其實星期一嗰日我想同你講，不如我地諗清楚先再決定一唔一齊啦！」

我聽到呢番說話，簡直心都寒埋。

「阿盈，唔通⋯⋯你其實根本唔愛我？」

「我怕係當晚嘅一夜情令我地做錯決定!」





Miss放開我隻手，回望住我。佢一面欲言又止，好似想講一件重要嘅事但又怕會傷害到我。

我地對望沉默左一秒⋯⋯

兩秒⋯⋯

三秒⋯⋯

「⋯⋯」

「⋯⋯」

「⋯⋯阿匡⋯」

唔好⋯⋯今日經歷已經好多。





唔好同我講分手呀！

「嗰晚之後冷靜返落黎，我有諗過點解要同你開始。我諗到我地嘅差距，我更諗到你其實鍾意我啲咩呢？我又愛上你邊一點呢？」Miss雙眼已經通紅起黎。

「星期一嗰日，其實我想同你講不如我地冷靜一下先。唔單只因為怕我地做錯左決定，我更怕自己只係搵你做水泡！而且我同你既身份問題係唔容許我地相愛﹗冇人會認同我地架﹗」

Miss個樣好溫柔，但佢講嘅嘢開始令我覺得殘酷。

「我地一定會比其他人更難去守住呢段感情。我地會被人攻擊!好多人都會睇死我地!」Miss又開始那想喊：「最終我同你都會受傷害。我更擔心係……你會經唔起呢D傷害呀﹗你會好痛苦呀!」

Miss唔好再講落去！唔好嗌分手！唔好為左要保護我呢啲老土理由而分手呀！！

「但⋯⋯但⋯⋯」Miss深深吸一口氣，話：「但係今日我見到一件事⋯⋯」





Miss一大串一大串眼淚咁流落黎。

「我拍過好多次拖，愛過好多男仔。但冇一個人好似你咁重視我！」

我幫Miss抹緊佢面上眼淚，一抹又一抹，佢喊得好勁，我兩隻手都濕晒。

「我好驚訝你竟然好重視呢份只係短短開始咗幾日嘅感情！」Miss邊大喊邊講:「你今日仲發晒癲咁樣搵我！你好努力咁守護住呢段感情⋯⋯嗚⋯⋯」

我開始眼瞓發熱，又流一串眼淚。

「我已經知道⋯⋯知道⋯⋯」

.
.





「Miss已經知道！低B仔真係好愛我啊！」

·
·

Miss喊住親吻我嘴唇。我同佢唔理旁人點睇我呢個著校服嘅人竟然同一個比較年長嘅女人擁吻。我同Miss都唔在乎。

我地只在乎對方。只在乎我地經歷過呢次風波之後，我地真心愛大家，更愛彼此。

無論我同Miss身份充滿矛盾同衝突⋯⋯

無論呢個世界有幾多人因為佢係我老師，我係佢學生嘅關係而想拆散我地⋯⋯

無論點樣比人笑、辱罵都好⋯⋯





我同黃梓盈都會咁愛對方。

= = = =

ig: ar_hong_91

#小說 #文字 #文學 #愛情 #故事 #師生戀 #講故佬#小甜 #miss故 #紙言 #penana #校園 #校園愛情 #青春 #成長 #初戀 #戀愛 #中學 #女教師