真人真事改篇﹕師生戀﹕《最接近的陌生距離》: 第十八章之一

「吓？！係周Sir？」我眼都突晒，點會喺度撞到佢架？

「係呀！」Miss驚到成塊面都青晒，特登壓低把聲講：「佢喺學校好大權架。副校都忌佢架﹗唔講得笑⋯⋯斃啦！佢行緊埋黎！」

「係咪Miss Wong呀？」我背後嘅男人聲愈來愈近。

「咁點算呀？」我腦白晒一片，諗唔到有咩方法。剩係諗到借四周環境⋯⋯可能要匿埋。

但係我咁樣走開左都好奇怪架喎！





「你要避一避。」Miss

「我都諗到啦！但點走呀！」我。

「咦！真係Miss Wong啊！」我聽到有個人好似跑緊黎。成陣狗公除飄緊過黎！

「冇時間啦，嗱！你照Miss說話做！」Miss眼仔碌碌咁諗一諗，話：「扮傻呀！有用呀！」

「得咩？」我好質疑





「得啊！佢就到啦！」Miss好作狀咁喺我耳邊叫：「唔好再扭計啦。知唔知。」再對我做摸頭頭動作⋯⋯明顯呢句說話語帶雙關！

Miss即刻對我打左個眼色要我快啲走。

「姐姐遇到熟人呀。識唔識自己返去搵媽媽？唔驚唔驚，表哥搵緊你啦。你叻叻認路係咪？自己行喇喎！」Miss講完就細細講：「點頭⋯⋯點頭呀低B仔。」

我點一點頭。

「好啦，乖。一陣姐姐見完熟人再返黎搵你。到時我地再一齊玩啦！」Miss攬左我一下，喺耳邊講：「而家走。」再錫左我面一啖。





我感受到我背脊有一道目光好似刀咁抵住左我。搞到我好唔自然。Miss要我扮傻，我就扮到手腳唔方便咁慢慢行，Miss都做戲做全套咁扶一扶我。

好彩Miss一早比左個cup帽我載，我可以靠頂帽去遮下個樣。咁樣我可以背住周Sir慢慢離開佢視線。

「咦？佢係邊個？洗唔洗幫手？」周Sir

「唔洗唔洗。」Miss聽落把聲好緊張：「佢⋯⋯佢係我表弟呀。佢弱智架！」

咩話？我弱智？！

安全起見，當離開左周Sir視線之後我就搵個地方匿埋。周Sir出左名係狗公，專食隔離女校啲Miss架！呢次大鑊，Miss仲要著到咁靚，唔睇住Miss實渣都冇!

「⋯⋯今日我同親戚一齊黎嘅。咁我表弟情緒係有啲問題嘅。頭先佢扭計一直咁跑，我就一直追，就追到呢度啦。哈⋯⋯哈⋯⋯」

唉⋯⋯呢啲大話搵鬼信咩。





「但係呢度要爆林先入到黎喎。我驚佢唔識路出去。不如我幫你手呀。」周Sir好熱心咁行入去草叢。

「唔洗擔心。唔知周Sir你熟唔熟Sen啲細路仔？」

「係喎，Miss Wong你都有負責照顧Sen學生喎。」

「有啲sen同學對某種事情有特別嘅天份。例如叻記地圖、叻記巴士站名。我⋯⋯呢個表弟好叻認路架！同埋佢表哥係行山教練平時成日帶佢行山，佢表哥已經用定位搵緊佢。」

「你表弟佢身上有定位裝置之類嘅嘢嘛？」

「有有！所以唔該晒你！多謝關心！」Miss好尷尬一笑，話：「係呢，你又咁啱嘅？」佢好不安咁搓一搓隻手。

「啊冇⋯⋯見星期六得閒，我黎露營。我camp site就喺呢度附近之嘛。」





「哦……係呀？我都係時候走啦。」

「我同幾個朋友嚟玩呀，介紹埋你識先走啦。就附近咋，帶你同佢地打個招呼呀！」周sir講都未講完，冇理過Miss同意與否，佢就一手搭住Miss個膊頭走左⋯⋯

一手搭住Miss膊頭⋯⋯一手搭住⋯⋯

你！個！仆！街！狗！公！周！！

你搭咩膊頭呀！！

可惡啊！我見住佢搭住Miss慢慢咁行去湖嘅另一邊。我嗱嗱聲去湖邊拎返背囊同埋Miss嘅個人物品之後就去搵返Miss.！

我個心愈諗愈不安，不斷閃出來自朋友口中嘅傳聞。周Sir爛玩爛浦係人都知，加上佢個外型高大樣又唔差，大約30零歲，佢喺老蘭入面真係蝦條王。有啲中七師兄喺老蘭見過佢點將想識嘅女哄上車或者的入廁所即時開餐⋯⋯總之佢為食女咩手段都做得出！

呢度人煙都冇，我諗佢強姦左Miss都仲得添呀！！

= = = =

ig: ar_hong_91

#小說 #文字 #文學 #愛情 #故事 #師生戀 #講故佬#小甜 #miss故 #紙言 #penana #校園 #校園愛情 #青春 #成長 #初戀 #戀愛 #中學