真人真事改篇﹕師生戀﹕《最接近的陌生距離》: 第十八章之二

視線之內雖然見唔到Miss, 但係隱隱約約咁聽到啲人聲。

「⋯⋯係呢，你仲有冇去玩？都好耐冇見你落坊喎⋯⋯」

「⋯⋯嗯，因為做野忙，同埋有機會撞到學生⋯⋯」

我撥開一層又一層嘅草叢，隱約見到佢地⋯⋯頂你個肺！周Sir仍然搭住左Miss!隻手仲愈來愈唔規矩，慢慢想掃落Miss條腰！直到Miss縮左一下，周Sir先冇咁過分！

「⋯⋯同我去玩就唔怕人見到啦。啲細路唔敢郁我。你都識講啦，我地做嘢忙，壓力大。出黎玩好正常唧。有我保護你，你放心去玩⋯⋯」





周Sir應該做左逗一逗Miss下巴嘅動作⋯⋯喂！你真係當正自己條女喎！

「⋯⋯其實周Sir你已經有老婆，仲有個三歲嘅仔。我覺得⋯⋯唔好再出黎玩會好啲。」

Miss終於推開左佢隻手，亦表達左個訊息唔好再掂佢！

「⋯⋯我打算同老婆分開架啦。性格唔啱。我都係為左你先決定離婚。你係一個好女仔，而且第一個令我好想認真開始既女人。當年我老婆突然話有左先焗住結婚。講真，老婆佢都玩開，個仔未必係我架啦﹗」

「‥‥‥」





「如果我離左婚，你會考慮我架可？我地到啦！」

我見到周Sir將Miss帶到一個湖邊營地。我眼前嘅畫面真係嚇左一跳，簡直要用污煙漳氣黎形容。玩到四圍係垃圾都算，仲要又煙又酒。營地嘅人睇個樣都知都唔係啲咩好人，全部都係麻甩佬！

佢地一見到Miss， 就吹晒口哨咁。唔洗問啦！根本就係一群色狼！

「阿泰！邊度執左件靚女返黎呀？」

「阿泰，你個撚樣！鑊鑊都食到好嘢！」





「啊—————！靚女———啊——！」

即使Miss背住我，但我感受到Miss個樣係幾咁尷尬同幾咁驚！

「你地尊重下啦，同大家介紹，我學校同事Miss Wong。」

Miss Wong揮左下手。其他人聽到Miss係老師之後，就起晒哄，吹晒口哨。

「哇！！係老師呀！未交功課添！」

「你地知唔知？我細個啊⋯⋯最鍾意諗住啲Miss打飛機架啦！哎呀⋯⋯一諗起就硬硬地添。」

「Miss教咩科架？哇！你又瑜珈褲又露臍⋯⋯我知！你一定係教性教育嘅！！唔係⋯唔係⋯⋯係體育！」

「睇肉！」





「喂⋯⋯喂⋯⋯over左啦。」周sir

喺酒精影響之下，呢班禽獸愈講愈亢奮，我感受到佢地嘅體內嘅獸性漸漸膨脹。只要其中一個人癲起上黎，咁Miss就好危險！！

我應該要點做？我唔可能唔救自己女朋友架喎！

「Miss, 不如今晚留低陪下我地玩啦！」

「係啦！我地呢度咩都有！就係冇女！」

「喂，你地嚇親人啦！」周Sir都好似控制唔到佢地。

「泰哥！做咩咁正經呀？你想收埋食呀？」





「阿泰平時我地成班老友益你先。今次輪都輪到我地啦掛！」

「我先！」

「輪到我先呀！」

聽到呢度我又嬲又驚。

「喂你班友仔真係呀！Miss Wong唔係平時嗰啲女呢架！」周Sir:「真係唔得，我同事黎架。」

「咁咋嘛！最多我比我啲女同事你食啦！要波有波，要籮有籮！要人妻有人妻！」

「要阿婆有阿婆！」

「老實一句，你想自己食咋嘛！阿泰哥！」





「靚女！唔好理佢地！埋黎飲枝酒先啦。唔好掃興。」

終於有個醉得勁啲嘅男人想行埋Miss度。我頂你！當Miss係夜總會小姐呀？

「你唔好掂我！我報警架！」Miss好嬌小嘅聲音又驚又嬲咁講。

「哈⋯⋯報警？阿泰未係警察囉！喂⋯⋯阿泰你係咪會為左呢件衫就拉我呢個好兄弟先？」

周Sir成家都係警察。佢自己本身都係輔警黎添呀！所以順理成章地做左我地訓導主任。

「阿Miss,扮咩嘢呀你！識得阿泰嘅，我仲會覺得你係正經女仔咩？」

「係囉！阿泰爛玩係人都知啦。喂⋯⋯阿泰你上次介紹嗰個好似都係Miss喎！」





「係呀！係呀！喺係佢隔離間女校教英文嘛。英國返黎，金頭髮。嘶嘩⋯⋯鬼妹真係特別開放呀！我同阿泰一前一後將條女夾喺中間⋯⋯哇——哈哈！好撚爽呀！」

「所以老咩師唧！天下烏鴉一樣黑！再睇你今日呢身打扮就知你根本就係——雞！！」1

仆街——！

「周Sir!」Miss已經忍無可忍。

我都忍夠啦！出手啦！仲等咩呀！隨手就納起地上嘅硬物——？！

= = = = 

ig: ar_hong_91

#小說 #文字 #文學 #愛情 #故事 #師生戀 #講故佬#小甜 #miss故 #紙言 #penana #校園 #校園愛情 #青春 #成長 #初戀 #戀愛 #中學