真人真事改篇﹕師生戀﹕《最接近的陌生距離》: 第二十四章之六

星期六，我有個習慣就係好鍾意回憶啲重要日子。上兩個星期六，我過咗我人生最幸福嘅兩個週末。 今個週末亦都係我中生最痛苦嘅週末⋯⋯

星期日，我決定唔再Whatapps Miss, 因為就算我send幾多咗嘢比佢，佢都唔會睇。佢已經徹底將我忘記。

或者我係應該係時候喺呢段師生戀嘅美夢中醒來。結束如吸毒一樣令人不能自拔嘅幻象。

= = = =

星期一，繼續隔離。





教員室傳言周Sir決定離婚，矛頭直指Miss。

Miss冇返學，唔知咩事。

小息，我想去買早餐食。已經唔行前梯，轉去行後梯、但都係——

「早晨呀！匡哥！」

撞到肥B呢隻瘟神！





「點呀！食咗早餐未呀？」肥B笑得好開心，然後扮晒嬲咁同佢身邊兩隻跟班講：「匡哥未食早餐呀！仲唔招呼佢？！」

「係嘅！」

肥B捉咗我喺後樓梯打咗鑊金。

一時用拳頭，一時膝撞⋯⋯足足比佢地蝦咗成個小息。

噗——！我成個人鄧咗落地。我冇還手，因為我要聽Miss話，唔可以衝動⋯⋯唔可以衝動⋯⋯唔可以⋯⋯





即使⋯⋯

「呿——！」肥B吐啖口水落我塊面度：「啱啱開始咋！有排你玩呀！」

即使係咁，我都要忍落去。

= = = =

星期二，繼續隔離。

我好努力清功課，Miss冇返。

繼續聽到啲三姑六婆老師講Miss壞話。我成身傷晒，眼瘀鼻青。老豆老母為搵食，冇咩點理我。

啲老師一向好憎我，所以佢地都唔理我。黎sir知我被人蝦，佢想幫我。但周Sir權力好大，唔比佢捉肥B，即係幫我唔到⋯⋯





冇人可以救到我⋯⋯冇⋯⋯Miss都救我唔到⋯⋯

Lunch, 我喺自己班拎返盒飯去「臭格」時⋯⋯

啪——！有人一手拍跌我盒飯！

「哎——對唔住呀！匡哥！」

呢把聲⋯⋯又係肥B! 我盒飯比佢特登拍跌！飯盒半開，飯同餸都跌咗一半出嚟！

「等我幫你執返！」肥B連埋喺地上面嘅飯掃返入盒，再遞喺我面前：「嗱！匡哥！趁熱食呀！」

頂呀！啲飯唔止撈咗塵，仲有頭髮、糖紙、螞蟻⋯⋯點食呀！





肥B見到我唔食，就皺晒眉，話：「哎吔！琴日打得你好金，對唔住！我做細今日服侍你！當無數啦好唔好？」佢打咗眼色，佢兩條跟班狗就捉實我推埋牆！

「喂！肥B你想點呀？！」我大叫！

「請你食飯呀！」佢一手迫我打開嘴！佢嗱起痴住污糟嘢嘅飯大大力質落我個口到：「食呀！」

「嗚⋯⋯嗚⋯⋯唔！」

「食呀！咪晒嘢呀！」一路質埋嚟！

「呀⋯⋯嗚⋯⋯」啲飯成日陣泥塵味，好臭！

「食呀！食呀！食呀！屌你老母！」

係咁質！係咁質！最終我——





「哇——」我嘔返晒出嚟！

「啊！你個仆街仔呀！」肥B一手摑埋嚟，就話：「請你食殘廢餐都咁多嘰趷！」

佢雙眼向上一望，就發出靈機一動嘅亮光。唔洗問，一定唔慌好嘢！

「喂！我有老表喺沙嘴啱啱坐完呀！」肥B笑得好開心：「佢話沙嘴有套刨冰雞翼全餐好好食架！我請你食呀！」

我都未嚟得切呼叫，佢已首先請我食「刨冰」——佢用指骨𠝹落我嘅胸骨度⋯⋯哇⋯⋯呢種痛⋯⋯真係⋯⋯？！然後我又被肥B打咗鑊金。但我仍然克制⋯⋯我唔知自己點解仲要堅持。

Miss⋯⋯Miss⋯⋯你喺邊呀？

= = = =





星期三，繼續隔離，同Miss分手一星期。

「周Sir！我希望你做返老師應有嘅責任！」黎Sir把聲又喺牆嘅另一邊傳嚟：「我唔知你同謝子匡有咩私人恩怨！請你公正辦事！」

「哦？係呀？」

「謝子匡被肥B欺凌緊！喺事情未去到最壞嗰時，一定嚴懲肥B佢地！」

「好呀。你係低年級訓導，你去做未得囉！」

「你唔好咁過份喎！你一而再再而三咁縱容肥B佢地！你仲係老師嚟嘅？」

「是旦啦。我去上堂先啦，等我心情好先再同你慢慢傾點做啦！」

嘭——！呢下拍枱聲大到嚇親我。黎SIR好少咁躁底。

我同Miss各自都受到唔同方位嘅打擊，冇人可以救到我地。

Miss連續三日冇返學，我好擔心佢。

肥B繼續見我一鑊就打一鑊⋯⋯Miss，你會唔會擔心我？

Miss，我被人蝦呀，你話過唔會再比人傷害我嘅？咁而家你喺邊呀？

= = = =

ar_hong_91

#小說 #文字 #文學 #愛情 #故事 #師生戀 #講故佬#小甜 #miss故 #紙言 #penana #校園 #校園愛情 #青春 #成長 #初戀