港足守護神和他背後的守護神: 11 - 你阿媽個女

「大佬返嚟喇。」

「我哋班嘅大佬啊。」

「大佬，所謂嘢靠曬你喇！」

你們在做甚麼？莫名其妙。看來他們應該略有耳聞我的情況。

難得我終於擺脱了黑社會，或嚴格來說，他們知道我出事便「拋棄」了我。





你們十分無聊啊！！！但是......

我不能當眾否認自己很可靠吧。

「咁梗係啦，有咩事搵着我嘅，我一定幫大家拆掂佢。」

大家立即起哄。

「掂晒啦咁！」





很快便要上課，我們也逐漸回到自己的座位中。在剛才大家起哄的時候，有兩個同學是以疑惑的眼神望著我。

第一位不用說，當然就是陳慧恩。

從她出院回校上學後到今天，也是用這樣的眼神看着我。

另外一位同學就是我小學的好友方國偉。

自從上學的第一天後，我們也再沒有任何交流。還記得以前在小學足球隊，我們在後場合作無間，化解了一個又一個的攻勢。





我相信他第一次聽到我被判入男童院後應該十分驚訝，此乃人之常情。

有緣的話再跟他談吧。

小息的時候，陳慧恩走到我的座位旁邊，收起了平時陽光的樣子，十分嚴肅地看着我，說：

「振華，放學之後你得唔得閒？」

我也被她少有的嚴肅震懾，連忙回答：

「得閒呀。」

她說：「咁你放學留低，有嘢好認真想問你。」

我連忙回應：「哦...好！」





此時李卓軒和戴榮昌神不知鬼不覺地出現我在後面，並且說：

「勁喎，主動去溝女神。」

「定係振華畀女溝呀。」

他們究竟是幾時出現的？走路完全沒有聲...

此時，我反擊：

「我同邊個傾計使唔使同你哋報告呀？」

陳慧恩也在一旁幫我：





「我可以肯定嘅係，畀女溝嘅唔會係佢哋兩個囉。」

李卓軒連連搖頭：

「妳阿媽個女咁mean嘅。算啦，我哋落去小食部食嘢好過。」

然後她便與戴榮昌離開了。

放學後，一個熟悉的身影再一次站在課室門外。

任教中史、負責學生輔導組的黃sir。

我走到出課室門口後，他第一句便關心我：

「葉振華，呢一個月冇嘢呀嘛？」





我回答：「多咗做運動咁囉。」

黃sir繼續道：「做運動嘅話，你可以入去校隊玩下，反正你而家放學之後大部分時間都係過嚟功課輔導班，抽返一日去練下波又冇咩大問題。」

運動？

足球囉。但係，我唔想再接觸足球。

係喎！

唔記得咗功課輔導班呢樣嘢。

「係喎黃sir，我今日約咗人，可唔可以唔去一日。」





黃sir微笑着說：「你真係呀。見你今日第一日返返嚟，就放過你啦。不過，你一定要多謝一個人。」

甚麼？

我問：「邊個？」

黃sir：「蘇家祺，功課輔導班嗰個中六師姐。佢大概聽到呢件事之後，就走咗過嚟我呢度，託我幫佢去為你求情，叫學校唔好踢你出校。佢話見到你有潛質去讀得好好，運動方面又唔差，希望學校畀機會你喺度發展。

學校最後選擇咗畀你返返嚟，因為踢你出校唔會令到事情變得更加好。下次見到佢記得多謝下佢。我有事要做，行先一步啦。」

蘇家...祺？

妳為什麼這麼好人？

我這樣是自作自受，為什麼她會幫助我這麼多？

是可憐我嗎？

如果動機是出於可憐我的話，我會很討厭她。但不管如何，我現在留在學校繼續就讀都是因為她。

現在我想的一切只是胡思亂想，還是到時再問她吧。

我在發了一會兒呆後，才想起小息的約定。

大獲！掛住發吽豆添。

ig: marx_ice_