無幾耐阿花行過黎,佢雙手扶住周邊,夾實下體,對腳跛下跛下,身體好唔自然咁行過黎。
 
「做咩事呀你,唔通你俾人強……」我見到即刻衝上前好緊張咁問佢,不過仲未講完呢句阿花就反駁我。
 
「強你死人頭咩,又想亂噏D乜野呀?我只係到屙到虛脫,無力行姐。」
 
「哦,咁你仲行唔行?洗唔洗送你返屋企先?」
「唔洗,無事。繼續啦,我都好耐無黎旺街行過啦。」
「嗯,咁依家行邊先?我唔熟呢到。」
「um,不如行返出大街先,我諗愈多人流愈多既地方賣既野應該會較好。」阿花好認真咁講


 
 
走到大街上,有個男人係到吶喊:「喂,靚仔靚女埋黎睇埋黎揀,五十精件,五十精件,一百精三件,真係好抵。」呢把聲好刺耳,嚇到我即刻調頭走。
 
「唔係呢邊呀喂,走錯啦你,係呢到呀,快D啦。」不知不覺間,阿花已經行左係我前面,佢回頭對住我揮手。我抬頭望左眼阿花既位置,有一間中型商場。
 
我加大腳步行向阿花既位置,從我踏入商場既門口就清楚感受到有陣涼意。

「嘩,爽阿,呢間商場既氣無得彈,炎炎夏日緊係要入商場嘆冷氣啦。」
「呀,唔得,個肚又開始痛啦,四眼積你自己行住先啦。」


「好啦。」我應完阿花之後佢就急急腳咁周圍搵廁所。

就係咁,我自己一個人漫無目的咁周圍行,我係商場入面搵左好幾間都睇唔岩,直到我上左2樓,第一間舖頭係專賣男裝,我抱住隨便睇既心情入去望下。
「嗯,又唔錯啵,D男裝衫褲都幾岩我心水。」我對住手上渣住既衫自言自語咁講。
「喂!你依家咁樣即係點撚樣先,搞撚錯呀你。」有把好粗暴既男人聲係舖中傳出。
 
「巴打你咁樣係唔岩咖啵,唔可以咁做。」一個正義既毒撚嘗試前去阻止
「唉,你唔好煩我啦。」
「你真係唔得咁咖呢,我報警咖。」
「屌,死開啦!」個把聲男人好激動


我跟住聲音既源頭行過去,一行到過去就睇有個身高約米八既高大男人,佢推跌左一個矮毒撚。我諗呢個毒撚就係岩岩果個正義撚,而呢個米八男應該就應該係岩岩果個激動友。
「小姐你無事呀嘛?」個毒撚向女店員講。
我好佩服呢個毒撚,即使個毒撚跌低左都仲可以完全無視左個高大男人,令到個男人霸氣盡失。
「李右婷?你點解會係到既。」我望住左踎係地下既李右婷講
已有 0 人追稿