精子is money: 第九十二章 教員室

「哼，托腮？咁呢條數點計？我岩岩已經教過，你如果有聽書既話就一定識計。」

「……！」呢個時候阿花周圍咁望，咁岩我眼神同佢接觸，阿花不斷打眼色向我求救。

「呃……６……掛」我細細聲咁提阿花，不過周圍既同學都已經聽到曬，而聽覺一向好好既鄭Ｍｉｓｓ都轉移視線望住我。
 
由於全部同學既目光都注意係我身上，搞到我周身唔自然，唯有側住個身坐，避開眾同學既目光。

咁岩望到阿牛，阿牛向我不斷擰頭，仲做左個口型好似想暗示ｄ乜咁，呢個時候我背脊有股涼意，我回頭一望原來係鄭Ｍｉｓｓ啤住我地，我只好乖乖咁擰返正個身坐。



「Ｍｉｓｓ答案咪６囉！好簡單姐。」

「你確定係６呀嘛？」

「無錯。」阿花挺一挺胸好有自信咁講


「唔岩啵，答案係１２。」鄭Ｍｉｓｓ向我同阿花講

「哈哈，李晶積咁小學雞既題目都做錯？先乘除後加減呀，咁都唔識？」



「……！」呢刻，我徹底無語了，有咩柒得過提人水，但係提左錯既答案。

我望一望阿花，阿花臉紅耳赤，非常尷尬，睇黎佢信錯左一個豬既隊友。

「咁你點解知佢係咁樣錯左？」鄭Ｍｉｓｓ向白少添問

「因為我之前都係咁樣做錯左囉。」白少添口快快咁講左出黎

「噗……」坐我前面位既唐梓晴都忍唔住發出一聲嬌笑



「哈哈。」周圍既同學都哈哈大笑

「楊明花，李晶積，你地中午食完飯黎搵我做數。」


唉，終於食得飯啦，好辛苦咁挨過左上午既堂，不過一諗起一間要去做數就無曬胃口。

「喂，阿積食飽未？要去搵鄭Ｍｉｓｓ啦，唉……」阿花話中有點晦氣

「嗯，食飽啦，岩岩真係唔好意思呀！岩岩搞到你答錯。」講完呢句之後我就同阿花立即起程行去教員室。

「唔緊要啦，唔關你事，係我自己唔岩。」

「搞咩咁大膽係老處女既堂訓教呀？好攰咩你？」



「無呀，喂，細聲ｄ啦你，教員室黎咖，你唔驚咖咩？」我地已經行到教員室門口。