精子is money: 第九十三章 參加學界

「依，李晶積？岩啦，唔知你有無興趣參加學界４ｘ１００接力賽？」一把女聲從我後面傳出，我回頭一望陳Ｍｉｓｓ？身高米七既陳Ｍｉｓｓ身穿一套短運動裝，一把清爽短髮，臉上露出陽光的笑容，顯得氣質不凡。

「陳Ｍｉｓｓ午安，學界接力？唔好意思呀，我無咩興趣。」

「嗨陳Ｍｉｓｓ。」阿花說

「明花同學你好。」

「參加學界會有優點啵，可以有助你升班啵。」



「升班？」我帶住疑問既語氣問陳Ｍｉｓｓ

「呃……陳Ｍｉｓｓ我都係諗諗先，我仲要搵鄭Ｍｉｓｓ做數。」

「學界有好多靚女咖啵，話唔定……」陳Ｍｉｓｓ係我耳邊輕輕聲咁講

「咁呀？好啦，唯有參加啦。」

「係啵你個班係咪有個叫做文子牛既同學？佢都跑得幾快下，阿積你一間幫我問埋佢參唔參加啦，唔該你。」



「阿牛？好既Ｍｉｓｓ。」

「咁唔阻你地做數啦啵，等你好消息。」

「掰掰陳Ｍｉｓｓ。」
 
 
「拿，鄭Ｍｉｓｓ。」我同阿花各自各遞左張白紙俾鄭Ｍｉｓｓ，呢張白紙上做左十題數，其實唔應該用做黎形容，我只係抄返書入面既答案。

「嗯，咁咪岩囉，下次你地上堂記得留心ｄ喇。」鄭Ｍｉｓｓ副眼鏡反曬光咁望住我地。



「好既，無問題。」

「咁你地去小息先啦。」

「掰掰鄭Ｍｉｓｓ。」我同阿花帶住虛偽既微笑向鄭Ｍｉｓｓ道別，之後我地落左操場睇人打波，呢個時間有幾個唔識既八婆係到吹緊水。
 

「喂，今日李右婷無返學啵你知唔知？」

「李右婷？」

「呢！咪之前開學禮果個司儀呀，中三全級第一名優異生黎。」

「哦……下？佢竟然無返學？聽講佢上年保持全年零遲到、零請假，零違規、零罰咖啵。」



「唔知佢係咪發生咩事呢？」

「依，呢個我又聽過啵，聽講好似係屋企人出左事。」

「李右婷屋企出左事？唔係掛……尋日放學先見完佢黎。」我心諗

當我回過神黎既時候，一個高速旋轉既籃球正以光速奔向我塊臉，正要擊中之時。

「啪」一聲響起。