不知不覺間,三堂又過去了,又黎到放學既時候,每當放學時間同學們都會龍精虎猛咁匆匆離開,我同阿牛走出校園,一股冷風吹過,風帶來寒冷刺骨既感覺,讓人凍得發抖。

「嗯,呢股冷風正是快要轉冬季既預兆,睇黎三個月之約亦差唔多到,等我早幾日還返條數俾雲哥,了始左件心事先。」我自言自語地說

「喂阿牛,我去搵雲哥還精先,晏d先黎。」我向阿牛說

「洗唔洗我陪你去?」阿牛回應

「唔洗啦,你返舖頭先,一間李右婷應該會黎返工,陣間你要教佢做野。」



「咁好啦,你自己小心D。」我諗呢次係阿牛第一次講關心我既說話。

「嗯。」我講完呢句就同阿牛揮手道別,向阿牛既相反方向行。
 
 我穿過一條又一條既街口,終於就快到我手上張卡片既地址。
 
「滴答,滴答,滴答」紅燈既聲音響起,所有路人都安分守己咁企係馬路前。
 

 此時,一個從遠處手上拎住白色膠袋既女學生非常焦急咁行過黎。


 
「呢件咪我地學校既校服?咁似李右婷既?少女愈行愈前,快要越過行人過路線,喂……唔通佢想衝紅燈?!」我心諗
 
「喂!李右婷!睇車呀!」我一邊講一邊伸出手捉緊李右婷條腰,受力既李右婷仿佛失去電池既機械人咁企係原地。
 
突然,傳出「咇!」一聲巨響,一架貨車正以高速地輾過馬路上既坑渠,隨後帶黎一把沉厚既男聲:

「屌你老母臭閪,睇路啦死仆街,咁多人死又唔見你死,你咪撚害鳩我呀!你老母真係阻撚住地球轉。」
  
聲音漸漸收細,短短幾秒貨車司機就爆出一口流利既粗口,所有途人都望到目定口呆,唔知係咪因為司機既流利口材定係女學生既不智而呆左。



直到指揮燈轉為綠色頭像,路人才匆匆忙忙地離去,猶如剛剛沒有發生過任何事情,只有我同李右婷,同埋一對公公婆婆留係原地。
 

街道上靜左數秒,公公婆婆打破左呢個僵局……

「小心D嘛呀囡。」公公婆婆向李右婷提點
 
「係囉小心d啦,好彩我拉住你炸,如果唔係……你命仔無都似。」講完呢句之後,我慶幸自己從鬼門關前將李右婷救返上黎,心入面諗緊唔知佢會點報答我呢?
 
 
已有 0 人追稿